12-02-2020, 12:24 AM
|
#29385 | |
|
حزب العاصفه
|
مساء الخير وصباح الخير
وطابت اوقاتكم على هـ البرد المشتد وصحت الالسن والذوائق على هـ الدرر دام الابداع والمبدعين,’’ |
|
سبحانك اللهم وبحمدك
أشهد الا اله الا أنت,أستغفرك واتوب اليك 
|
|
12-02-2020, 12:32 AM
|
#29386 | |
|
حزب العاصفه
|
اقتباس:
المشاركة الأصلية كتبت بواسطة عبدالله الدّنّيش
^^^ صح لسانك شاعرتنا نجد ولا يجيييك برد ^-^ الروايع والجدايد جات من عذب القصيد= وأنت لو تكتب قديم الحرف في عيني جديدي نبضها صادر من أوتارك ومن حبل الوريد= وأنتشى قوس الربابة قام يعزف ما تريدي جري القوس المسمى وأعزفي حلو النشيد = وأسجعى الموال بآخر ليل لو طرقه عنيدي نبهي عَود الرواسي وأزعجي حتى الحفيد = وأطلبي خيال يفتح درفة الباب الحديدي وأنا لو بيدي حبستك شهر وأتبرع بقيد = ودي أسمع من جزيل الشعر والنظم الفريدي يا خيال إفزع وهات الخالدي رأيك سديد= وقفه يومين وأعطه علم بالعلم الوكيدي ^^ جااااك العلم مجاراة فاخره وفزعة نشمي يمال العافيه الله يصح لسانك ويديم تواجدك شاعرنا طلعتني وانقذتني من البرد القارس والا كان متجمده بزنزانتي ومن الفرحه بالحريه,تو صحصحت الحين ههه |
|
|
|
|
12-02-2020, 12:36 AM
|
#29387 | |
|
حزب العاصفه
|
اقتباس:
المشاركة الأصلية كتبت بواسطة عبدالله الصقري
صح لسانك ملايييييين و لا فض فوك و تقبلي هالمجاراه البسيطه قبل اضييعها من جد للشعر جو يطرب بين حلمي و حلمك حلم عآلي المقآم في عبآده و ذي يا نجد بعض الحقيقه لانه برحمته يشمل يمنها و شآم من تدفى بنآر و من بجوفه حريقه من تغطى عن البرد و ضحآيا العدآم من تسلى و من سلوآه ما لا يطيقه من بخندق يموت و من بالاحضآن نآم من تهججر و من هآجر و من جف ريقه ما نبي الا رضآه اللي جبآه الأنآم له تخر و بها يعطف إله الخليقه يسعدك بالفرح وآقع يسرك دوآم يحمي الروح و الخفآق من كل ضيقه قولي آمين و يرفرف جنآح الحمآم بالسلام و احاسيس القلوب الرقيقه وسلامتك و قافيه جزله ما ودي اوقف لكن الاشاره حمرا يعني عمل و زين تلاحقت و رديت بدري مجاراة كايفه ونايفه وصدى غطى على الصوت مبدع مبدع لاعدمنا تواجدك تقديري,’’ |
|
|
|
|
12-02-2020, 12:43 AM
|
#29388 | |
|
حزب العاصفه
|
 مشكور ابو عامر ومشكور مشكور
أنقذتنِي البارح بَعَد طّال ليلي فزعة كريمٍ جاا قبل طلعة النور من بعد شد البرد وانهد حيلي بكفالةٍ من فاخر الورد وزهور بكف الجزاله فوق بنٍّ وُهيلي مْن الفرح نطيت من عالي السور مدري متى حضرة خفيري يجي لي نايم ومامثلي على الصبر مجبور طلعت اسابق شمس صبحي بخيلي خيل الفرح لاتوّجت شوق وسْرور واقول شكراً يـ الدنيش الاصيلي |
|
|
|
|
12-02-2020, 02:30 PM
|
#29389 | |
حزب العاصفه
|
طفشان ما ابي لك خبر ياتسابيح=اخباركم تزيد حزن الحزيني
اوراق العرب بالذات طارت بها الريح=لترمب مع بوتين وايا الخميني خليني بغبة بحر فكري اسيح=لو ما اسبحه واللي يجيني يجيني الدر به سود العيون الذوابيح=والموج ثلة شعر مثل اللجيني اتطيره هبة نسانيس وايطيح=على قفى من فيه رقه وليني خطرٍ علي ليا حضر ذكره اصيح= وان قيل وش بك قلت انا ويش فيني احس في صدري بعد ما طرا فيح=وبردتها في دفقتي دمع عيني باسباب من طبعه قبل هبة الريح=حسبي على من حال بينه وبيني اخذ من الخشف المذير ملاميح=من الصقر عين ومثل حد الرديني لا للقصار ولا الطوال اللواليح=مربوع طول وكل ما فيه زيني مسامحه فيما حصل منه وامبيح=وبالصدق انا باغيه لو ما يبيني |
|
|
|
12-02-2020, 07:04 PM
|
#29390 | |
|
حزب العاصفه
|
ياريوف لك رمزٍ معلق ومشيوف=ولا اتحفتي المسجون بمشاركاتك
بالله وش هو لازم الصمت ياريوف=الاسم رمزي واخوتك مع خواتك ما احد دفع بالحكي يالشيخه اولوف=لو هو من المنقول بمدوناتك ذا مبتدا والا الخبر منه محذوف=ما ادري وجوب او منك يالهجس ذاتك صوت الجريد يلاوفه هالهواء لوف=مدمن ولا حصل سجاره اب باكت لافه جزع خرمان ما كنه يشوف=مشاعره للي نواهم تحاكت على اتلعٍ قره العينيه ملهوف=وكل الخلايا للقريفن تشاكت معطيه قايدهم ليالي مع الاووف=والقلب ماهو لو رجع خلف ساكت ومن بعدها ما فيك ياهاجسي نوف=عن ذاك وش علم القريحه تراكت عطني عنه في هالمسا عدة حروف=لا ابطت عنه قيفان شعري تباكت الخالدي لو عرضت له بنفنوف=بعد العصر كبَّر ولو ما تحاكت |
|
|
|
|
13-02-2020, 01:53 AM
|
#29391 | |
|
سلام سليم أرق من النسيم وأحلى من الورد والياسمين شاعرة نجد صح لسانك وتعقبك العوافي والليالي الدوافي شاعرنا حمد الخالدي الظاهر أن البرد صقعك وخايف من صقعة السجن وبرده الصقيع .. لكن تلحف بجبة الهواوي وأبشر بالحكاوي هه الهواوي .. صح لسانك وعز الله إنك الراوي لأحلى الحكاوي ولا تكثر الشكاوي وأحسنت في إصطياد شاعرتنا ريوووف وعساها تلوف وبلاش كسوف ياشمس الشموس الجميع مالكم الليلة لا حس ولاخبر .. وكلٍ يحسس على رأسه خيّال .. مخصوم منك مئة ريال وينك يا أبن الحلال ؟؟؟ وسلامتكم من البرد وليالي الصرد و |
|
|
|
|
13-02-2020, 02:01 AM
|
#29392 | |
|
اقتباس:
المشاركة الأصلية كتبت بواسطة شاعرة نجد
مشكور ابو عامر ومشكور مشكور أنقذتنِي البارح بَعَد طّال ليلي فزعة كريمٍ جاا قبل طلعة النور من بعد شد البرد وانهد حيلي بكفالةٍ من فاخر الورد وزهور بكف الجزاله فوق بنٍّ وُهيلي مْن الفرح نطيت من عالي السور مدري متى حضرة خفيري يجي لي نايم ومامثلي على الصبر مجبور طلعت اسابق شمس صبحي بخيلي خيل الفرح لاتوّجت شوق وسْرور واقول شكراً يـ الدنيش الاصيلي ^^
صح لسانك شاعرتنا .. وما قصرت أبدعت وأمتعت ^-^ يا شاعرة نجد الوفاء منك مخبور و ردّ الجمايل منك فاقت جميلي فكّ الأسير مْن المخاليق مأجور وقُربة من الخلاق والله وكيلي نهبّ للداعي ونحضر على الفور مثل العواصف قبل وقت المقيلي لكن شعرك يأسر القلب وْشعور وقيد المشاعر منك ماله مثيلي القيد في يد أبو عامر ومأسور أسرت تفكيري وشعري دليلي أبغاك توعدني كما وعد بلفور وأحتلني وآقول لك يا حليلي (In All Moorning SayTo Me Sayir Good Moor) ( ِAnd I will Say More good Every Daily ) هههههه وسلامتك والجميع |
|
|
|
 |
|
|
العرض العادي
