آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
28-10-2019, 08:55 PM
|
#27785 | |
 
|
ترحيبيه في حفلنا ليلة السبت الفايت
بسم من لاقال للشي(كن)كان وحصل راحم المؤمن ونفسٍ جفت ياويحها بعدها يامرحبا عد ما وبل ٍ همل ونبت نجد ليا اختلط بالخزامى شيحها ياهلا ترحيبةٍ مثل منتوج النحل والمصايف وردها ريحته من ريحها الفرح نجمه بكم توه ابدر واكتمل هاجسي تدحم خيول النبط فصيحها من اعالي نجد لو قام شاعر وامتثل السراة بروقها له تشاعق ضيحها وشرق نجد ان جا منه شاعرٍ قرم وصمل بل كبد الذائقه/منطقه يريحها جبت صوت وبالصدى له انا كلي امل واري زنود الشعر ولعوا قديحها جعل ناشي غر الامزان وبله لانزل دار عشاق الشعر منه يروى سيحها نــــــــــاصر عبيد الهواوي |
|
الخط يبقى زمنا بعد كاتبه ،،، وصاحب الخط تحت الأرض مدفون
التعديل الأخير تم بواسطة خيال مطير ; 28-10-2019 الساعة 09:16 PM
|
|
28-10-2019, 09:14 PM
|
#27786 | |
|
باابتـدي بذكـر الالـه الـواحـد الـفـرد الصـمـد الخالـق المعبـود ماغيـره علـى الدنيـا يجـود رب السـمـوات السـبـع مرفـوعـةً بــلا عـمـد رب الكواكـب كلهـا والكـل منـهـم لــه حــدود والثانيه اعداد ما ساق المطر صـوت الرعـد واعداد ما ازهرعلى الدنيا من ازهار وورود سـلام رده وافـيـه تضـفـي عـلـى دار السـعـد ردت وفا لاهل الوفاء نرقا بها عـال السنـود جينا نزف التهنيه بالصدق فـي وقـت الوعـد جينـا نبـارك للرجـال اللـي عساهـم فالوجـود دارً مـبـارك يـــا عـسـاهـا بـاقـيـه دوم وابـــد باقيه في حمية الرحمـان مـن عيـن الحسـود تزيـنـت بالـفـل والنـرجـس هـداهـا مــد. يـــد هداهـا ريـح مسـك وفـاح منـهـا ريــح عــود تبقـا باهلهـا عامـره تبقـا لهـم حصـن وسنـد في حفظة الرب الكريم ادوم فـي كـل العهـود |
|
|
التعديل الأخير تم بواسطة خيال مطير ; 28-10-2019 الساعة 09:25 PM
|
|
29-10-2019, 12:59 AM
|
#27787 | |
|
يايبه يانور عين تبلشها السهر يايبه ماجور ماجور يانسل الكرام يايبه ياعزوتي من صواديف الدهر يوم طير الضيم فوقي نفض ريشه وحام لأجلك العين انتثر دمعها دم حمر والحشا كنه على واهج الرمضا حطام يايبه وإن خانك الساق أنا ساقك وسر ان بغيت السهل والا شواهيق العدام يايبه وإن قصر الشوف شوفك ماقصر دامني لك شوف وعيون فوقك ماتنام يايبه وإن خانك الكف أنا كفك حجر إضرب بي اللي تبي هامة والا قوام يايبه وإن خانك السمع أنا إذنك فالبشر في ذمتي ماتسمع ألا خبر عزك يقام يايبه وإن خانوا أصحابك أنا صحيبك جبر مير مافأصحابك اللي عطى درب الملام يايبه وإن درهم القوم أنا دونك بحر والله إن تبطي مضاريبهم برد وسلام يايبه لاغطرف القمري الشادي ودر جر هاجوس المعنى عليك أحلى كلام يايبه ياعزة الجار وضيوف السحر يامزبن واحد طقته بقعا وهام مالقيتك بفرجة السوق تصلخ وتهدر الك عند الناس قدر وهيبة وإحترام ولاأنت باللي فوق جاره عصاته تنكسر يمدحك جارك وضيفك وربعك والخصام وكان سبل عسعس الليل ثوبه واستتر شف دمعك في صلاتك مثل وبل الغمام ياعسى يفدى قدم رجلك اللي مانعثر رجلك اللي ماسعت كود في عز المقام كم وكم فنجال بن بمجلسك انتثر مجلس للعود الأزرق على وكره مرام وكم سمان راعي الضان لقدومك ذخر حثهن بأطراف كفك لضيفان حشام كن نقفة دمهن فالثرى سيل حدر وكن ريح شحومهن فالفضا ريح الخزام يايبه شفت الليالي مجاهيم وعفر عن مباغيت المنايا التهينا فالحطام كلنا يدرق عليه الزمان وينتثر فوق منصوب الشداد وعلى ظهور المسام يايبه من زاد كاد وخفى عزه شهر وأنت عزك فالخضيرا جلا جنح الظلام يايبه من هام شي وهو ماله ظهر ذاق دون اللي يبي مزة الحنظل شمام يايبه من يبغي المجد من دون معذر مثل زارع شتلة فالصبخ يبغى الصرام من همل فرجه بليا سمين ماظفر تنطحه شمس تجدويه مطعوم السمام يايبه تسبيحة يوم جنح الليل در ماتساوي وزنها كنوز مصر والشوام يايبه ماشق صم الصفا غير الصبر والكدر عقب الصبر ينتحي مثل الحلام يايبه دنيا لقينا لها بطن وظهر الحظيظ اللي بها عز نفسه واستقام والختام بريح مسك وريحان ذعر الصلاة الزاكية من ضمير مستهام للنبي الهاشمي صاحب الكف الخضر عد ماغنى على خضر الأغصان الحمام |
|
|
|
|
29-10-2019, 01:06 AM
|
#27788 | |
|
ياراعــي المـوتـر اللــي بـايـحٍ لــونــه
اللي من الشمس راحت معظم ألوانه مكـروف لين انتهـت جلـدة دركسـونه وأربـع سكـاريب تلـزم روس بيبـانـه مـن مصنـعـه ماتغـيّر زيـت سيفـونـه صوت السبايك علـى الجنبين حنانـه ولابه أنبـير يمـشـي وسـط طبـلـونــه سيـورهـن مـن قـديم الوقـت خربانـه والقـير لاعـشّـقــوه أثنـين يـنـسـونــه مايـعشـقهـ لين يظـهـر زيـت شكمـانـه والمرتبـه فـي بطـون الضـان مدفونـه وجنـوبهـا من ثـقيـل الحمـل هريـانـه ورفـارفـه جنب طـنب البـيت مركونـه طـاحـت مساميرها والحـال تعبـانـه ماترحم اللي معك يمشي على هونه مطفّـي الــنـور والـرجـلـين حفيـانــه يسـوق عمـره علــى دربٍ تســوقونـه قلبــه تحطــم وهــذا صـوت رمـانــه يابــو خــدودٍ تـشـابــه خــدة فـلـونــه ماهيــب مـن رشـة المكيــاج ملـيـانــه وبريقـــعٍ صغّـــروه اللـــي يسـوونــه مــرٍ يغطــــي و مــرٍ ذيــك لحيــانـــه والجسـم شـيٍ يـدوّخ مـن يشوفـونـه بنــت مـن مقابــل الخلفــات فسقانـه ماهيـب في دجـة الموضـات مفتـونـه اللـي مـع الســوق رجليّــه و هجـانـه الوجـه مكشــوف والخـدين مدهـونـه ولاتخلّــي ولارجّـــال فــي شــانـــه يابنـت شـرع السواقـه ويش قانـونـه يـوم القوانـين عنــدك مالهــا خــانــه قالـت : مـع البــر مملوحـه ومزيـونـه جــوٍ يـغـطّـي علــى الزلات ميـدانــه وسـواقـةٍ فالمـدينـه غيــر مضـمـونــه لاشافــوا البنـت كـلن طلّـع لسـانــه في زحمـة النـاس كـلٍ يفـرك عيـونـه تقـــول جمهــور فـنٍ شــاف فنــانــه سواقتـي مـن ورا الأبــرق ومن دونه من خلف نوقات أبوي وخلف غنمانـه الشـايب وحْيـد والرجلـين مرهـونــه ولابـه أخــوٍ يقــوم بـِـلازم أخــوانــه مانيــب اعَـرف البحـر يللي تعرفونـه ولا تمشيــت تالـي الليــل سهــرانــه ولابـي الناعــم اللــي يسحب ردونـه اللـي علـى طــول يومـه ياكـل لبـانــه شفـي من البــدو رجّــالٍ بكـرتـونــه معَــرَّبٍ رأس أبـــوه وراس جـدانـــه يصلّــي الفـرض لاقامــوا يصلّـونــه ويصوم شهر رمضان ويحفظ أركانه ماهوب لاجاالضحى دنّق على التونه ولاقالـــوا الله أكبــر شــب دخـانـــه قلــت أشهــد أنـك سنافيـه ودندونــه والعقــل نعمــه من المعبـود سبحـانـه |
|
|
|
|
29-10-2019, 05:23 AM
|
#27789 | |
|
يا نجود أنا مانيب زعلان يانجود
مير الزمن زعّل وسيع البنايد ايام اقول اني من الناس محسود وايام اعاف النوم فوق الوسايد من لا يعرْف الهم مايكسب الفود ومن لا يقود الرأي ماهوب قايد ماكل من غنّى له السمع مشدود ولا كل من يقصد جزيل القصايد والحمد للي حطّها اسْهود وامْهود وكلّن يقول انه زعيم البدايد دون الردي وأهل الردى الباب مسدود فرقاه يوم العيد واكبر فوايد واللي يشيل النفس ماهوب محمود نقصٍ على البيدا ولا هوب زايد ولا تامن الدنيا ولا تامن السود وخلك عزيز النفس وقت الشدايد والجود فهْـل الجود شاهد ومشهود والاّ على أهْل البخل صعبٍ وكايد ولا ترجي من السِّـيد والسِّـيد مسيود تصبح عزيز النفس للنفس سايد وخل الرجا في والي الكون معقود والعبد مخلوقٍ وللرب عايد ولا ينهزم قرمٍ على الطيب معهود يرقى بها روس النوايف عوايد |
|
|
|
|
29-10-2019, 06:45 AM
|
#27790 | |
أبعد قريب
|
صباحكم رضا و رحمه من رب العالمين
صحت الالسن والقلوب و ادام الله تواجدكم الجميل حبيت اصبح ولي عوده باذن الله |
|
|
|
|
29-10-2019, 11:11 AM
|
#27791 | |
حزب العاصفه
|
ياللي تصبح صبّْحك وافر الخير=والعافيه والرزق واسعد صباحك
هذا مردي للتحيه ولا غير=حب وتغشمر معك والسن ضاحك خال الوفاض اعجب منه واغبط الطير=وياقلب انا اعزيك من ضيق ساحك العام وفياضك ورود ونواوير=وطير السعد حولك مغير ايتضاحك واليوم فوقك همٍ اكبر من النير=عن من تحب الوقت والحظ شاحك مخك متنك ما يطيع الاشاوير=حتى بسوط الهجر صاحبك لاحك |
|
|
|
29-10-2019, 11:14 AM
|
#27792 | |
|
للتواصل ومما قدمنا في سنين مضت الله المستعان هههه
أمل ان تحوز على رضاكم ودمتم بخير https://youtu.be/nxG8h_jqXWc |
|
لاصرت في صحتك والحال مستور = يغنيك عن بعض الرفاقه رفاقه منتب على طرد المقفين مجبور = أما الوصل وإلا بلاش العلاقه - ديواني الإلكتروني
|
|
«
الموضوع السابق
|
الموضوع التالي
»
العرض العادي
|
|
