يلعن أبليس
تكفى يابو عبيد دخلها السجن ,ابك ابك ابك

ياحلوها من فمك تصبح على خير
مابعدها غير الصبر والتفاؤل
أبنتظر بكره ولا ادري وش يصير
ولو قلتي اصبر ابقول احاول
انا عليك احن واخاف واغير
واحيان مالي غير كثر التساؤل
خذني وانا مالد بعدك للغير
بين الرجا والياس صعب التداول
حبك قفص واشواق قلبي عصافير
وانت الفضا صعب عليك التطاول
لاهب نسناس المحبه بك عصير
قلبي غدا صحراء وذكرك جداول
وافك عن صدري عليك الأزارير
كنك مع الانفاس سهل التناول
وش بعدها من فمك تصبح على خير
مابعدها غير الصبر والتفاؤل

ناصر الهواوي ,الجووهره ,رحيل و 2 آخرون معجبون بهذا

عبدالله الصقري ,ملكة الرواسي

على طرق القصيده جار حرفي ياجزيل الحرف
بعد زانت طورايق القصايد لا تحرفها
هوا لاج الضلوع العوج من نظرة عيون الترف
ونا ادري عن سهوم عيونها الذبلات وعرفها
تعالي دوك من سبك الذهب وخذي سبايك صرف
هدية شاعر لعيونك انتي خص يصرفها
ترا حضي له اسنين من الحفره ليا اسفل جرف
طواريقي على رمزي توجهلك محارفها

ناصر الهواوي ,الجووهره ,خيال مطير و 3 آخرون معجبون بهذا

رحيل ,عبدالله الصقري ,ملكة الرواسي

مساء الخير

.

انا سجين الكلام اللي بصمتك سجين..
سولف عليك الحروف ولهفتي حالفه..
ماودي الا ليا سولفت في حاجتين..
مايوقف احساسك وماتوقف السالفه....

ناصر الهواوي ,الجووهره ,رحيل و 1 آخرون معجبون بهذا

عبدالله الصقري

فِــيَ صَــمَــتــيَ كْــلآم ْ.. مَــآ يـَـفــهَــمَــهَ كِــلْ إنــسَــآنْ
وفـِـيَ شِــمَــوَخِــيَ مَــهَــآبــَه تِــعَــدَت كِــلْ الأوَطَــآنْ !!

السلام عليكم ورحمة الله و بركاته

يامساء الإبدآع و اهله
جدي و الروقي تسلم أناملكم على ما تخطه لنا من ذهب الحروف
و تسلم خيالنا على جمال توآجدك و نقلك لكل جميل
الملكه منوره السجن والله و تسلمي على هالمقتطفات الرائعه
و غريبه الجوهره ما تواجدت للآن يمكن خايفه تحبسونها ههههههههههه
واللي ناسيه يسامحني فـ جل من لا يسهو
دمتم بهذا الجمال و التواجد و الإبدآع
و الله يجعل جميع اوقاتكم فرح و سعاده

و ذي مشاركتي معكم الليله و اتمنى تحوز رضآكم


طريق المجآهيل


بسم الله ابدأ في طروق و موآويل
يوم اونست نفسي للـ اشعـآر فآقه

على نجـوم الليل بـ اكتب مرآسيـل
و ابروز المعنى بـ شوق و شفآقه

أستـشهــد ايَّــآم ٍ علينـا مطـآويــل
و هَـم ٍ على الخفَّـآق زآد اختنـآقـه

و آزيِّـن غْنـآتـي بـ ليـل التعـآليــل
ليـل ٍ سـمـرتـه ما يِـهَــدِّي رفـآقـه

لـيـل ٍ عليه مْن الـحبَيِّب تـمـآثـيـل
يرسمْه من رآسه لـعرقوب سآقـه

صَوَّر خليلي بين مسموح ومحيل
كسـآه من صبـري بـ فرقـآه طآقه

و اَشعَلْـهْ في قلبي خيآل و قنآديل
مـا كنَّـه الَّا بـيـن الافـلآك بــآقـــه

متـلآلي بـ غيـم ٍ مـذآريـفـه تْسيـل
برقه يشبّ الموج و الموج سآقـه

سَلَّم عليّ بـ النّور و الكف ما طيل
كلَّمني بـ لهجـة خـلآيـق مـعــآقــه

و اقفى وعنـوآنـه طريق المجآهيل
بيـن الرجـا و اليـأس حـدَّد نطـآقـه

و بيـن الـسنيـن الفآيتـه والمقآبيـل
أوعَـد بـ جَيَّه وما حصل لي عنآقـه

يا كيف يصبر رآعي الحب و يشيل
و الـقلب شريـآن و وريـد و رقآقـه

أوَّل مصـآيـبنـا مـن القـآل و الـقيـل
من كـل حـآســد مجتهـد في نفـآقـه

واتلى المصآيب مالقى الميل تعديل
خوفي على المجروح يخسر سبآقه

وشعـآد لـو بَيَّـن على الوجـه تنكيل
هـقــوآك للـغــآلـي يـكـبّ اشتيـآقــه

مــا ظنّتي مهـمـا تِـقـلّ الـتسـآهـيـل
ينسى الـولآيـف من تـعـكَّـر مـذآقـه

و سلامتك
.

ناصر الهواوي ,الجووهره ,خيال مطير و 1 آخرون معجبون بهذا

رحيل

صحت السنتكم شعارنا ملايين
ودام وجودكم

خيال صح ذوقك ملوكه
منورة السجن وصح ذوقك

ناصر الهواوي ,الجووهره ,خيال مطير و 1 آخرون معجبون بهذا

عبدالله الصقري

مع احترامي وتقديري لمن هم هنا=ممنون انا واتشكر للزميله رحيل
لو صار عن شكرها بالهجس ضعف ونا=الطيب الطيب اللي مبتدي بالجميل
لفعولها الطيبه من قبل سامك بنا=بنت اصل عن ما عليه مربيه ما تميل

صح بدنك رحيل و سلمك ربي
تحياتي و تقديري

الجووهره ,رحيل ,خيال مطير معجبون بهذا

تسليه تقول الشاعره غزيل

ما يصغي السمع مهما قال عذالي
كبير قدرك علا بالحب دستوره
لو تعّرف انك عزيز ومنزلك عالي
والروح لرضاك منهيه ومأموره
نهر الوفا منك صافي شربه الحالي
والشوق انته فنونه وأنت دكتوره
سعادة الروح لا من شفتك اقبالي
والود ياخذ حنين الوجد بك ثوره
يا من زرعت الهنا في كف الامالي
وبدلت حزن الشقا بافراح معموره
لو أكثر المدح واجمع فيك الامثالي
موفى معك بالوصوف وكامل الصوره

الجووهره ,رحيل ,ملكة الرواسي و 2 آخرون معجبون بهذا

الشامخه ,عبدالله الصقري