اللي بسجن البديع يدورن الخفير=من سكر الباب ما شافن محيا البطل
لا رغبه بشوفته اكيد فرقاه اخير=لكن يبنه يجيب من البقاله بصل
ما يعتبر حزبهن قمحه ولاهو شعير=ولا قمةٍ تعتبر مزبن ولاهو سهل
احنهن من شقى هالحزب عانن كثير=الخير مقطوع عنهن والعنى متصل

‏

ذا راعي الذود اخبره عاطفي الميول=وابداع هجسه على ماهو يبيه اخدمه
يرمس ويرمز وانا اجهل بعض ماهو يقول=لو طال شبلي ما اظنه ياصل المردمه
انا سجنت الربايع من غياب الزحول=ما ابي السجن يقرط ابهامه من اجل اندمه
وين التسالي لهن ياطيبين الدلول=وين العشاء والغدا للبيض من قدمه
اما بفزعتك للترفات شد الرحول=وليا فعلت الذي لك لام فيهن لمه

‏