المشاركة الأصلية كتبت بواسطة ناصر الهواوي

السلام عليكم وصباحكم اسعد والشر عنكم ابعد
مرحبا ياريم وحياك الله وخوذي راحتك مثل غيرك ههههههههههههههههههههه
البارح على الواتس رقم قال السلام عليكم
رديت السلام
قال انت ناصر عبد الرحمن
قلت انا الهواوي
قال وين ديارك قلت في ضريه
شمالٍ من عفيف وفي جنوبي دار ابن عساف=عريق الدسم من غرب وشماليه يحاصرها
ديارٍ تعجبك لاجيتها مسيار بالارياف=لعل الوسم من فضل الولي دايم يباشرها
هذا ما كتبت له وودي اكملها هنا
تنحى عن رباها من ربا فيها بدون انكاف=على زحمة وضيق المدن ما ادري ويش حاشرها
جلوسي في بطاحيها ليا غابت وبدع القاف=ما اغبط المتجر بالمدن عاقلها وداشرها
عيوني من بكا واحيان ضحك دموعها ذراف=ونفسي ضيقها له ستة شهورٍ معاشرها
قصيده تنحذف وبيوت لاسويتها تنظاف=يتوه بمحتوى ما قيل كاتبها وناشرها
دار بن عساف الرس لمن لايعرف