‏ماعاد ني باللي علا خبرك العام
‏تغيرت كـٰـل الامووور القديــمه

الصحبه اللي قدلها عدة اعواام
عرضتها ريمــه على شداد ريمه

طويت صحايفهـا وجفن الاقلام
واملك عليها قو صبــر وعزيمه

لو تسلب الفرحه من عيون الايتام
‏اللي ما تملك غير فرحه (يتيمه)

سمو ذاتي .! غيــر عن كل الانــام
اللي يحسبــون االتواضـع هزيمــه

‏قدام اقول ارحل وتنبيك الايام
‏ماعاد باقي للوجـــود اي قيمه

لعلها تنقنذني من السجن

هذي كفاله ياعيون الصقر جداً كافيه=انا اشهد انك كفو/ بعدك ما نريد الا كفو
شروى العيال اللي وفو وكل بنتٍ وافيه=عن سجنهم حاموا وبالقيفان قاموا ووقفو
خفير راع الذود هاته والنوايا صافيه=ماعندنا من حزبه الا هو وذولاك انكفو
بعمق البحر قالو جنى المحار دايم خافيه=وهو نوخذه بالغوص واهل الغوص من قبله وفوا
حطه بغرفه فايف ستار وعساه العافيه=وبه رحبوا يا اهل السجن واعلوا مقامه واحتفو

سجنت انا الروقي وانا قبل مسجون=وقد حز بذراعي كلبش النواعس
وعلى ذراعه شفت اثر غمزة عيون=وفي جبهتي سطوة خدودٍ لواعس
وخفيرنا ماهو بعجل وعلى الهون=له شهر عن كل الامور متقاعس
كل الحرس عن بعض الاشيا يصدون=وليا ارسلو لي جاك هالخبل داعس

مانيب لا صاحب سموٍ ولا كينق=يالصقري ولا كنت صاحب سعاده
الصدر به ضيقه وفي خاطري غلق=ولا لي بهالالقاب رغبه وراده
سعادتي في عشرة الصاحب الطلق=له الوفا سلم وبه الطيب عاده
حيث ان في هالناس يامسندي فرق=هذا تبي قربه وهذا بعاده
وارتاح لاصوات العصافير والورق=وللنود صبح ليا نعشني براده
اشم به ريا الغلا واحبك الطرق=لاوصل شوقي لشقر اللون ماده