يامهره ترا الصقري جديدٍ على اللوعات=من العاصفه ما شافت اللوعه عيونه
يحسب المعارك بيننا مثل دوك وهات=بحرنا الحمر لو ليع خلاه من دونه
اما اجنب الى الخرطوم والا اشمل الى سيهات=والا جاء لنجد وبردنا جنن جنونه
تقديم وطرا للبال من بعد هالابيات=هجوسي غنا ورق النخل حرك شجونه
يطري بالظلام الشعر والخد باللمبات=وارا بينهن وردٍ بجوري يسمونه
وارا الجمر لونه لا اشتعل يشبه الذبلات=كل الموت الاحمر بين اشافيه وسنونه
يالصقري يعود اللي مضى وانقضى هيهات=بجهد البشر لكن على الله ياهونه
وقد يجمع الله الشتيتين في لحظات=يجيهم بصدفه او هم بصدفه ايجونه
فلا ترهق اوردتك بترديدك الآااهاااات=صعق يونس لرب السما واقذفه نونه

مساكم فل
ــــــــــــــــــــــــــــــــــــــــــــــــ
اسمع لا تصيقه يالغلا كل مالك قلت=وان ما راق لك لا تحذفه من مخيلتك
بكره تعرف انك في مراجعته استعجلت=وتدري بي تحايلتك وحاولت ما احتلتك
لانك تعمدت الخطا ولحسودك ملت=وتجاهلت وضعي والا انا ما تجاهلتك
سيف الهجر فجأه في يمينك بوجهي صلت=وظنيتك على خبري حنون وتهاونتك
لكنك سطيت ومن قطاعتك في اهتلت=ولجل ما مضى رغم القطاعه تحملتك

خفير السجن لاهنت/هو عندك المسجون=مريت السجن بعد العصر ماهنا غيرك
انا اشوف قايش حضرتك بالسمن مدهون=وهربت السجين المجرم اللي دهن سيرك
بمالا يدع مجال للشك ما تعتبر مامون=ولا اظن توكل صيدةٍ صادها طيرك
قل لي يا خفير السجن وابليسنا ملعون=لو انك حسب ما اظن بك ودي اشيرك
رأيت اني ارقي حضرتك ملتبسك جنون=وقصيت من شعرك وقلمت اظافيرك
قرينك يقول انا جذبني بسود عيون=وانا جايزٍ له بس لا تشعب ابعيرك
هي اضغاث واحلامٍ حسب ما البشر يطرون=او رويا تروع من رأى ربك ايجيرك