هلا هلابك عدد ماهـل وبـل المـزن شختـور= واعداد ما قاد (سلمان المعارك )مـن سريـه
ترحيبةٍ من حلاها يابو عامر تشرح صدور =تشمل جبال السـراة موجهـه لـك مـن ضريـه
من شوقها للجنوب محركه مع شقت النور= اظــن مــن قــو سرعتـهـا تجيـكـم فــي شـويـه
الوضع يعجبك والانسان دامه حـي مستـور = امــن ورغــد نحـمـد المعـبـود والدنـيـا فـضـيـه
البـارحـه يالدنـيـش الـبـال مـتـكـدر ومـكـسـور = اصحابي آلاف مـا واحـد رفـع ضـدي قضيـه
يالغـامـدي قــل لـقـلـبٍ فـاقــدٍ غـالـيـه مـاجــور = تـوهـجـت مـــن غـيـابـه بالـحـشـا نــــارٍ لـظـيــه
ما الف وادور والغالي حشـاه ايلـف وايـدور = لـكـن لــي صـدتــه يالـغـامـدي صـدمــه قـويــه

ماجور يا صاحبي من صدة الغالين مأجور = والله يجيرك من الصدمة ومن نارٍ حميه
لاشك ، لا ريب مثلك يشتكي والحال مخبور = والفقد يا كم ذبح ، وعساك ما تغدي ضحيه
طنّش تعشْ تنتعشْ.. هذا شعارٍ غير منكور = يتمثّله من يحيك الكيد وأمثالٍ رديه
يا صاحبي يالهواوي جدت بالترحيب مشكور = وأرد لك بالتحية مثلها صبح وعشيه
واشكي لك الحال وأنا خابرك سيد ودكتور = والحين صابتك عدوى وأنت ذا تشكي عليه
شخّصت شخصك وأظنك يالهواوي حيل مسحور= واللي سحر في بيانه ما على فعله خطيه
خلوك تتوهم إنك في جنان الحب مفطور = وحبالهم مددوها كنها بالشوف حيه
وعشنا وشفنا صبايا في خيالي كنهم حور = يسحرن (ذا اللب حتى لا حِراك ) ولا غديه
كِي بوردهم كالمنصة يطلق الصاروخ ويثور = وليا تنثّر على الشاشة نثر ورد ومنيه

إيــــــه هـــــــذا ديـــــــدن الــدنــيـــا وكـــلــــش لـــــــه نــهــايـــه = والرحايـب مـا تضيـق الا علـى شـخـصٍ غـبـي
والله ان الـمـنــتــدا يـالـشــاعــره لــــــي كــــــان غـــايـــه = ورفـعــتــه واشــعـــال نــــــاره فــــــوق غـــايـــة مـطـلــبــي
ووالله اني مفتكر بالوضع ما اعرف الحكايه = اثـــر فــكــري شــــاخ لــــو مــــازال تـفـكـيـري صــبــي
ياعسـا وضعـه يـعـود لـمـا عـهـدت ويــا عسـايـه = بــــكــــره اقــــــــول ارحــــبــــي يــــاريــــم وإلــــــــك ارحــــبــــي

مرحبا بك يالهواوي في النهاية والبدايه = لا تكدر خاطرك وأركد وصلّ على النبي
منتدانا عامرٍ بالشعر وأقوال الروايه = كنه إلا شاطي الراحة وأنا ف أبو ظبي
وأنت رمز الشعر في النادي ولا عنكم غنايه = آمر، تدلل، وقلي يالهواوي وش تبي
ليت لك خطوة وتصحبنا وتمشي مع هوايه = تمشية سُواح والسهرة على شاطي دبي

راع الذود ماله حس يطرب ولا له رمس=ما اعرف ليه قرر يتبع هكذا سياسه
يرخي شد حبل الصمت مره وعاد ومس=له اسبوع من برادته ما امتلى كاسه
وانا اللي مزاجي به تعكر وراسي عمس=واعرِّض بوجهي للجنوبي ونساسه
يمكن مع هواه اشم ريا خضيب الخمس=لو بس الهواء مرت بنشارة لباسه
لو القاه حركت اسودٍ دق سلفه لمس=من المغسله توه طلع كنه الماسه
تصاميم فنسان الخشوم وعيونن همس=ليا شد حيله راكبه طير نعاسه
لين الليل عنه يشيل بشته شعاع الشمس=وشيل البيوت ايزيل عن راسي اعماسه

تذوّقت قافٍ كنه البن بعد الحمس = مبهّر بهيلٍ ينعش الشارب أنفاسه
على جمر شوقٍ واهجه ما غشاه الطمس = ليا صب في جوفي تخيلت حمّاسه
دِلال القوافي صبها بالحكي والهمس = ومع رشفة المعنى يكيّفك بإحساسه
مجاهر بقافه ما يحسّب هروج النمس = ليا هز شوقه يبدع القاف من رأسه
حرث بذرةٍ في الصدر واجرى عليها الدمس = وفي غصنها المياد علق لي أجراسه
على الطايرة وإلا على طارة الجي إمس = نويت أرفع الطاروق وافكك أقواسه
يمينٍ على ما أقول ما هي يمينٍ غمس = نصلْ له ..وإلا نقطع العرق من ساسه