شيل الخمار ابا اتمعن بالاهداب=ونجل العيون الناعسات الكحيله
يكفيك احبك حب ياسيد الاحباب=ماهوب حب بن الملوح لليله
وبيني وبينك لو يجي مزح وعتاب=يكفيني اسمع مفرداتٍ جميله
عقبك معاد انظر لتلعات الارقاب=ماكن فوق الارض لباس شيله
هزاع ياهزاع ياراس الاسباب=شبيت مابين الظلوع الفتيله
حركت هاجوسٍ من العام قد غاب=ثم سل سيفه واسرج الشوق خيله
اودعتني مابين طالب وطلاب=وانا علي الوقت يومي شليله

مرحبا بالي تهلي في رواسي للمسير= الشرف منها وفيها ماتدنسها السوالف
حضي الي مايميل وصاحب الحض امتخير=من حلا كلمة نباها كل من سلم يوالف
بنت شيخ لو يطول الوقت ماولله تغير=احلف اليومه وقبل اسنين بالميثاق حالف