شموخ انا صاحي وجيت وتقهويت=واقرا قصيدة نجدنا وابهرتني
ياليتني للسجن هالصبح ما جيت=وعديم جزلاته لفت واذهلتني
بالصدق كني ما قصدت وتغنيت=وهرب هجوسي والقريحه عصتني
تكفين/ تكفى ودي اكتب ولو بيت=وجنيتي دريت بمابي وجتني
وهي من عميقات الذكا ذايعت صيت=هاويتها لجل القصيد وهوتني
ياقلب حلو الجو وش فيك حنيت=ونتك ذي يالقلب كم كلفتني
ياليت لكن ما بها فايده ليت=يوم انها ما جات معها خذتني
وياطيف وش جابك وانا توي اغفيت=قال انها فيما سمعت ارسلتني
ابا ارجع بما قلت لي كان رديت=وهاذاي بلغتك بما علمتني
وابي السموحه والعفو كاني اخطيت=ماضقت باوامر ولا كل متني

مرحبا ما رف خفاق الجناح= وما لدبك الخيل بالقاع ارجفي
بالقصيد اللي هو السحر المباح=صح كلك يالعديم العاصفي
الرعد حظه بعد ما جيت طاح=وقبلك سنين الرعد شهب عجفي
مسيلمه والمنسطح معهم سجاع=لاش شمس ولا ضلالٍ مورفي
لاهرج واحد تصاوو واح واح=هجو الاثنين وهيه مدنفي
ذا مجرد شرح واللي راح راح=يابيوت الشعر بالزين احتفي
ذاك خده بان والا برق لاح=او فلاش شع بالليل وطفي
ياعديم الغاليه ست الملاح=بس فيها عيب توعد ما تفي

الشامخه وشلون تسمع شخيري=وانا بزنزانه وهي من ورا السور
يقوم بالتحقيق معها الخفيري=بركت عليه وحدةٍ كنها ثور
من كبرها بغى يتكسر سريري=وجمدت انا وازريت لا التف وادور
وانا احسب ان الناس تسمع جغيري=وعطيتها بقسٍ على مشة الزور
وراحت ولركبها طقيق وصريري=ضيم الشحوم اللي تجي شحنة المور