العود مامر يوم الا السجن مره=ايصبّْح الباب وايصكه ليانامي
وجرحه له سنين يارجال ماضره=لجارحه ينبسط من زود اللامي
وعساي ما اذوق لو طال الجفا حره=لو فرحتي منه يوم وحزني اعوامي
هو هكذا يلهد الخفاق وايسره=وعلاجه بمسحةٍ من بلسمه سامي

العام مسجون في سجن السلاطيني=واليوم نجلا رمتني وسط زنزانه
في سجنكم مالقيت اللي يسليني=غبتو وخليتو الروقي وسجانه
ماغير اردد هنا ياليل ياعيني=وارسم قلوب المحبه فوق جدرانه
وحيد من صبح لين الليل يمسيني=والحال يعلم بها مولاي سبحانه
وين انت يللي منوّر ماضي سنيني=من بعدك النفس مهمومه وتعبانه
حبك ياروحي معذبني ومشقيني=يجري مع الدم الأحمر وسط شريانه
من غيبتك جزت عن كل المزاييني=حتى الذهب بعد غبتي خُف ميزانه

ياالسجن انا جيتك معي كم هوجاس=لهم ثلاث ليال .. فيني سهارى

احايل .. الاوجاع واقول لا باس=داريتها مير .. البلا فالمدارى

قصةً رحيلً ولّعت جمرة الياس=منها دموع العين .. قامت تبارى

اخفيتها عن نظرة الناس والناس=تشوفها .. تشبه لشمس النهارى

لاجيت ابنساها بدا يتعب الراس=نسيانها .. يشعل على الراس نارا

واللي يقول الوضع ماهوب محتاس=ماحس فيني .. مير جعله مجارى

ماني عديم احساس ياذرب الاحساس=وماني فقير احلام مثل الفقارى

واختامها لو ولّعت جمرة الياس=هذا قدر ربي .. علينا وصارا

لاباس يامن يشتكي ضيم واوناس=وجعلك من صدوف الليالي امجارى
ياما تجرع غيرك العلقم بكاس=ومن الوداع العقل ياما استطارا
وياما تحن قلوب من طول الارماس=اخلاج من شافت امذكا الحوارا
غطوه عنها من جهلهم بالاكياس=لو ماتشوف بريحته ماتمارا
نشوفكم في خير هي راس الافلاس=وتقفي تهز الراس كنك كمارا
اللي ترك غاليه في وسط مدراس=ليا صكوا الصاله حسبه انتصارا
والا الموادِع موجبه شط بالماس=همه عن الدارين كيف ايتوارا
لو تنشد اللي متروا شارع انكاس=يوم ادبر الحظ الردي واستذارا