لاجيت اطوِّح بالقلق حيل واروق=طفقات الافكار ارهجت واقلقتني
لو بيننا يانور شرهات وحقوق=لااقول حقك فوق راسي ومتني
حسن انتقاء ينبي عن العقل والذوق=لو ذايقتها بالشتيمه رمتني
كبير عقلي بس له عام مبيوق=هيفاً خذت فصين منه وكوتني
بجمر الشفي تشط معلوق معلوق=وشدت جنوب عنيزه ووهقتني
هيفا حشا ماشفتها مع هل السوق=ولا بالقصيم ولا اعرف كيف جتني
ناديتها واقفت عسى مالها عوق=مشاعري معها وهي هيتتني

غمزتك بالعين تأشرلي على الغمازه=ضحكتك وحكاك ياعمري تسبب دوخه
حايزة كل الوصوف الفارقات حيازه=من يحاول يستفزك اكسري نافوخه
لا ذكرت في الدوام اصكها بإجازه=ما يرجعني ياكود الموت ياشموخه
ما معي ياكود شوقي والأمل معكازه=والطريق الصعب والنظارة المشروخه
في بدايتنا علاقتنا👍كذا ممتازه=عايشين اثنين خدام الغلا وشيوخه
سالفه تشبه ل ابن جدلان في مركازه=قصةٍ تشبه لقصة بالغلا منسوخه

ماشاء الله الذيب على طاريه ,يالله حيه
ما معي ياكود شوقي والأمل معكازه
صح لسانك على الأبيات الجزلة شطر فاخر يابو جوري
لاهنت وسلمت ودمت وأتحفنا بما عندك باستمرار لاتنقطع!
وأبشر أنسقها الآن إن شاء الله

ارحب بك ليا جيت لو ماحصل ترحيب=من حضرة جنابك قبل مده بمن زارك
رجاي بسموك يالغلا ما هقيت ايخيب=بعد ما ضربت بكف يمناك لي زارك
حشا ما لحقني قبل فيما قطعته ريب=جات الحوصه اهون لك من اطلاقت زرارك
اجل ما دريت ان الجفا منك قدت جيب=رايٍ قادك لهالسالفه ماهو مبارك