نهر حبيس ويلزمه من يسليه=ارهو على نهر الحبيس التسالي
واعزتي له لو نطر من حواليه=لمن يرتجي صم الصخر وجد حالي
يتيم حزب وردنا له يالبيه=انا سبب سجنه وهو من خوالي
هذا الكلام انصت لما جاك يليه=ما اقول جد او ناسجه من خيالي
انتاج نافوخي على الهجس يمليه=بنفخه لضيق الصدر يرتاح بالي
لو كل من يجرح فوادٍ يداويه=ما شفت ملتاعٍ بوجده يبالي
ولا حط احد كفه على القلب يشكيه=ولا احد بكى من طول سهر الليالي
ولا احد بنومه جاه طيفٍ يحاكيه=ولا شفت لك حالٍ من الشوق بالي
ولا فز احد من غفوته لجل طاريه= وختام هالابيات هل من سؤالي؟