يامال المهلا يالعاصفيه وسفره دايمه وهلابك ومرحبا
ــــــــــــــــــــــــــــــــــــــــــــــــــــــــــــــــــــــــــــــــ
وجود الزعيم بغيهب السجن للقمه مهر=من لا يدفعه باعلى العلا لا ايمل بالظهور
حزب العاصفه ساس الكرم والتألق والطهر=بمن ينتمي له مرتفع راسه لفوق وفخور
تأمل ترا الربع المسمين قد ماتوا قهر=رعدهم ثوى والا الجلاميد ما يقوى يثور
الا ياخفير السجن بالله قرِّب لي نهر=من بد الجلاميد اوثقه قيد لو مابه قصور
نبي لا دخل بالحبس هاجوس فكره يدّْهر=بدل سطر واحد يكتبه حر /يجعلهن سطور
بمن طاول عيونه بعد غيبته سهد وسهر=ثقيل الردوف وزامي الصدر والوسط مهصور
وقل له ترا محاكيك ماراق له كمٍ شهر=ورد له على عد بسهوله ولا احتال الصدور
جنابه مريف ايام ورده وعاوده الدهر=معيشة جراده مخرث القشع بشطوب الصخور
عقب ما يمد الكف للورد/يدرابه فهر=وتبدل وفا خله ووصله بليا ذنب جور
لذلك هجوس الشعر من كثر ما شاف انبهر=عساها تبدل ظلمة الهجر بعد الوصل نور

ليا صار بالحزب نور وجنبها المهره=وبالميمنه شمري ويسار ابو عامر
والشاعره بالشوارد تكسبه شهره=وسجين واسط شراعه/سمه العامر
ماعاد ظني تشوف لخصمنا دهره=الا غشيمٍ بنا وبحزبه مغامر
ربعٍ ليا غبت عنهم جالهم سهره=وليا حضرت هربوا ما القا لي مسامر
يقال من ذل جاك امكبرٍ فهره=واقول من ذل جاك ايصيح ويطامر

يامرحبا بك عدد ما بارقٍ ياشي=وما وبلةٍ من صدوق المزن منهله
ويامرحبا بالقصيد اللي به انعاشي=صقيل سيفٍ على من عاند انسله
من لامست شذرته علباه ينحاشي=ما يلتفت يمنا من ناشته ل/له
اكرمك من كون العتمه والاغباشي=منبع كرم عاصفيه والكريم الله
يابو زياد المدمر قبل ماعاشي=عصابتك قبل عام ونصف منحله
وحزب الرعد مثل قصة طاش ماطاشي=ما مات كله ولا اشوفه حيي كله
وجلمود وبلٍ على مكفية غراشي=ما تحتها لو همى يومين ما بله

حزب الجلاميد حذرا تستفزونه=نهر يقوله وانا ما اقنع بما قاله
هو حزبكم ياطويل العمر وش لونه=اوضاعه اللي نرا تنبيك عن حاله
مابه ترابط ولا مشروع يقرونه=كلٍ على ما يريد ايشيل مواله
الراس يظرس ونهر يطير عيونه=والشمط من بينهم حالاتهن حاله
رحول ما اظنها من قبل مجنونه=ومن ضر نفسه بنفسه وش يسوى له