على الله مادام ان الهواوي يجر الحان=ياليته يراجع في حساباته شويه

انا اشك ب ان السن سبب عمى للوان=او انه تعجل قبل يجزم على الجيه

الا يازبون الشعر بسم الله الرحمن=تعدي حدود طريف ولا البحاديه

تراني على لكلاش وادور النيشان=مادام الطرايد من جنوب لشماليه

ومن دور المجان مازاد بالمجان=ولانرغب المجان لو طاب راعيه

دراما من الكتاب واضافه الاعلان=تشوف الصعيدي دوم يسبق الافنديه

انا احترت مدري وش نسمي بذا العنوان=لكَن خلها قصة فلم لا نهائيه

تذكرت شعر الذيب من ماضي الازمان=على بيته المليان والنيه النيه

( هل القوطي المزاز تلقاه بالدكان=وهل السيف ابو حدين تلقاه بالهيه)

‏

لاتزعل ترا مافوقها غير ربك فان=اتح فرصةٍ بالنوم لحلام ورديه
تبديت باسم الله/تعوذ من الشيطان=ما ادري ليه تاخذلك علوم احترازيه
ترا ناقل البارود لو محزمه مليان=ان ما ورده دارت على راسه الهيه
وانا ياحفيد ابن عريعر ومهما كان=احبك واقدر حضرتك من مباديه
وانا ماتساورني وساويس باي انسان=ادور له الاعذار واعطيه حريه
وحب الجميع اللي جمعنا بهالمكان=ولا اظن احد له بالتباغض موديه
نبي منك حسنا لجل نجزيك بالاحسان=وازورك بهجر وتعزم لدارنا جيه
زيارة لخو لخوه يكمل بها الايمان=تزيل الشكوك بهاللقا والحساسيه