ثلاث الا ربع تالي نهار العيد الاسبوعي=على اللي لا استلم راس المسافه وابترم ويله
تبادل بالجرابكس التروس اصلية النوعي=(made)ان طوكيوا ماربط الهندي صواميله
شقاوي سايقه مطنوخ صاحب راس مرفوعي=اجنب ثم احرفه للغرب كن الشمس تومي له
يبي له لابةٍ منبع كرم واخلاق وطبوعي=اهل خيلٍ وحِيِل وهيل واقوى حول مع حيله
وصلنا قبل ساتر يدحم لفضاح بطلوعي=نهاره ما اختفا عنا ولا غطا الوطا ليله
على ايمنا دلال وراس كبش ايسار مقطوعي=وغَطَّتْ ريحة الكمبود الازرق رايحة هيله
عوايد للجدود الاوله في حزة الجوعي=وحفيد الجد ياخذ وصفه من ابوه ويجي له
سعدنا في مجالس مجلسٍ ما فيع ممنوعي=الا ما يغضب الرحمن ماهو من مداهيله
مثل ظلم اثبتوا للطيب كل غلام مدفوعي=بحزم وعزم غنامي ومن ياصل مواصيله