ماشفنا من حزيب الجلاميد لو جلمود=جلموده هي اللي طلت بضحكه وكلمه
ترجي لو وضع قبل الجلاميد بس يعود=ومن هو تسمى باسم يرجع عليه اسمه
جلافة هالاسم امست لمن حل فيه/ الفود=باسمت الثغور الغت بعد عرفه البسمه
الا ياهجوس الشعر وين انت يالمقرود=واهس يدّْحِم بالصدر عاوني بحسمه
تحرك بعد هبت عشيه هبوب النود=وراكد همومي لجلجت بعد هالنسمه
زمام وبناجر مع خلاخل وخرسٍ سود=وبنية شفه تسبي ترادف لها بسمه
يعوّْد لعشريناته ليا سمعها العود=من فرط المشاعر ما يرا الباس في جسمه

من المغرب بمخي زنين وشاويش=من هولها للفكر صار انخراشه
لسلبه تقول إتل روس المناقيش=وعيني نظرها كن جابه غباشه
من كم شهر جاني وانا ماعرف ليش=الا/ذكر سيرة.............وحاشه
ام الكفوف اللي زهتها النقاريش=ورمشٍ يضلل خدها به عكاشه
مليت جدران السجن بالخرابيش=لين الخفير الغا عليِّ الاعاشه