من كلمه ونص قطبت الحجاج الله يعافيك=وانا مطنش لي اشهرمنك ياجعلك معافا
ومازلت اقدرك وادور لك الاعذار وارجيك=واقول ماصار ضغط ظروف ماهذا عيافا
واحيل لومي على العذال والحاسد واعديك=كل المشاريه واحنك وبالصد اتكافا
راجع تصرفك كان اللي سمعت من امس يعنيك=وقل ما نويته بصدق ولا تهاب ولا تخافا

عبارة(هاهنا سجن القوافي) كل ما مريت=واجي وادخل ولا القا لاسجين ولاش سجاني
تجيب الشيخه بيوتٍ تقول الزين هذا البيت=وتغير رايك بلحظه لاجابت واحدٍ ثاني
نعم رحيل ما ملت وانا الطفشان ما مليت=وعن الروتين طرزنا الصور باشكال والواني
لكن شعارنا اللي حجمهم بالسوق كيت وكيت=يرون انا صناعة صين وهم انتاج ياباني
هذا تقديم ولقاف الغزل يالهجس وان لديت=وطرالك ماطرامن دندنة يادان ياداني
لاتنسى اللي جبينه بالظلام ايشع مثل الليت=انا المجني عليه وشبحة عيونه هي الجاني
لحظني بالنواعس يوم انا مع سوقهم مريت=وبقى تاثيرهن / والحمد لله يوم ما اعماني