لا و الله الا جاز للناقد يغيب
و خلاني اناطح خصومي لحالي

شاعر و لا فيها لا شكه و لا ريب
يبقى مقامه طول الايام عالي

يفقد ليا من غاب و اليا حضر طيب
اقولها و انا تراني ما ابالي

لو شاعره مع ناصر استلموا حزيب
ماهو بحزب اهل الوفا و المعالي

انا لهم حتى لو الموقف صعيب
تقصر معي و الا تطول الليالي
_____________________________________

ياريم من يمك لفاني مناديب=واللي طرى للمبدعه ماطرالي
ماجاز لي لكن دروسي مقاضيب=بيديني أدوِّر جواب السؤالي
نشرب قراح العلم قبل الدغاليب=قدام تطوينا السنين الخوالي
يامبدعه مع ساقِتِك يتعب الذيب=تطريزك لقافك بشكلٍ خيالي
وَقْعِه على الأخصام مثل المشاهيب=الها على حزب المفاليس صالي
عاداتهم ياريم خشن الأساليب=وعاداتنا نعط الضعيِّف مجالي
وأنتِ كفو من دون لاأضيف تعقيب=أدلي بدلوك في يديك الحبالي