وش عاد ابي منك والا وش تبي مني=اضرب وقسّْم وخذه وعطني الباقي
ولا تحسب انه تبسم لابدا سني=مع ضيقة الصدر اظنه ضاقت اخلاقي
ليا متى ابقى على ماقيل مستني=وهذاجديد الطلب واعتبره الحاقي
قل لو سمحت انتهينا وابتعد عني=وهذب عبارhتها باسلوبك الراقي
انا خطر ينفجر صدري بما اكني=واخاف لو ينفجر ماعاد ينحاقي

تو القوافي زان ميزانها في الملعبة تو=واللي يغنيها على طرق صح الله لسانه
الشاعرة غنّت وزانت طقوس الشعر والجو=وكلن يردد بالغنا والطرب ياليل دانه
السجن ولّع شمعدانه وطفّى لمبة الضو=ما كنه إلا قصر الأفراح ولّع شمعدانه
لو في يدي حيلة سحبت الهواوي من يده ..لو= وأقول هذي الملعبة ورنا شغل الرطانه
لا تعتذر مني ولا تقول لا حيلة ولا قو=شوق الصبايا ..كل شاعر بهم يسرج حصانه
سو الذي تنخاه بنت العرب في مثلها سو=ون ضاقت أم السبع فأنته من الله في أمانه
شرايع الخلاق ما قصدها واحد ولا (2)=أربع قصايد وأنت شاعر وميزانك ضمانه

انا هالعشي يالراعبيه احب اسمع هديل=بمنطق مودٍ قابل اللي يود وهامسه
هاتي ما تجيدينه من السجع لنياحك بديل=لعله يطفي حر جوفٍ فراقه حامسه
فقد له حبيبٍ لو يفاديه في عمره قليل=الى الآن متماسك وحد الجنون ملامسه
يظهر للبشر مبسوط وبداخله قلبٍ عليل=يخفف عنه بالنوم طيف العنود يخامسه