الله يبقيك يابو عامر ودنا لكن أحيانا ماتجي الظروف على مانبي ،وصح لسانك ودام إبداعك
صح لسانك يابو عبيد
وهـل تقتـنـع فــي حـبـس عـبـدالله الـروقـي؟




أهلا ياريم الله يعيننا وإياك،،

حرام يـ .ابْو عْبيد تنكر حضوري=مدة غيابي طول الاسبوع يومين
كلّه غيابي فـ .الويكند وضروري=لا جا مـ .اصدق وين اسافر على وين
من ديرةٍ لو ما فـ .اهلها قصوري=ديرة عمل لاغير,والصبر ياعين
ناسي بعيده والليالي تدوري=لحسة عسل يومين لو ماتكفّين
ترفيه,يوم البُعد حطم شعوري=وحكم الظروف اللي على البعد حادين
وان غبت عدت ومن دواعي سروري=معكم على الصفحات اسجل دواوين

عبد الله الروقي طريح الكلبشات=ولا شفت احد من حزبهم جاب شاته
طق الزعيم النيل الازرق بمكشات=يشبك خشيفاته ويرمي مهاته
وريم الفلا تكرم عن البخل بالذات=لو دريت انه بالسجن كان جاته
والجوهره ربة كبير المهمات=تبي الكرم والتيس صعبه ذكاته
يامن لجفنٍ يسهر الليل ما بات=ليله نديمه ويتلحف عباته
يسترجع الماضي ويرنو لمافات=يبي الحياه وقطر عفاش فاته
على الذي همسه تقل طعم كتكات=مع الحليب اذيب سكر نباته
ماعاد من عقب الوفا به مبالات=يابرد قلبه غارقٍ في سباته