ابيك لامن ضاق صدري بمافيه=ومن لجة الملتاع لجت ضلوعي
وذيبه عوى جزعه ولك بان خافيه=ولك التجا تفزع مروفه وطوعي
من الكدر كلمة هلابك تصفيه=وش صار ما اخبرك من اول قطوعي
العام ما يزعل تحاول تلافيه=بحضرتك ما اضمى ولا اونست جوعي
لاتزيد قلبي هم مافيه كافيه=طغى عليه الوجد كمٍ ونوعي

ياهجس تاقف بين مغرض وشمات=وعلى التواصل هالةٍ كنها السيل
وللي نشدني قلت ما فيه اجابات=شهر 11 بالسوق تلقى التفاصيل
ما ادري وش اللي مفرح ترمب بالذات=ماله بناتٍ عندنا جعله الويل
نبي قوانينٍ قويه كفيلات=ودون الارانب حاجزٍ يردع الفيل
وكورسات بالاخلاق عدة سناوات=وبرنامج مركز عسى ياعي الجيل

ياعيده متى يصدق لعايد معك ميعاد=عرقوب المسمى خالك او هو ولد عمك؟؟
قول لسان حاله يوم عرفك معه لاعاد=مادام ان وضعه ما استفزك ولاهمك
على الطاوله نبغى انتحاور بلاش عناد=خوذي حجته من فمه واحججك من فمك
وبعد هالثلاثه يالخفير اطلق العواد=بعثت الامر من هاتفي بالوتس يمك
وعطنا ريم لكن دون غلظه بغير قياد=ياشاويش لا تقرا بوجهك ثقل دمك
حبس ريم للعيدين جا ثالث الاعياد=ولها قل من الحزب انفضي يامره كمك