ياحمد وش فيك ترمي كلمتين وتهرب=وانت ركن العاصفه فوقك اتشد اطنابه
هات ماعندك ياخالي لاتحشد واقرب=صحت الالسن وطبتم منك ما نرضى به
وين عذبات البيوت اللي تهيظ وتطرب=تجعل السامع ماجابته الحمامه جابه

هل السجن في صحه وخير ارحبي ياريم=وعطيناه من نحت الصخر ما نبي منقول
لك ايام ما وضعك طبيعي هنا ماهيم=وانا خابر انك من قبل تحمضين القول
نريد البيوت اللي صداها ايصح النيم=اتشجي عليل الروح وتعالج المعلول
امرارٍ تجي حلوه مثل رش وبل الديم=ونوبٍ تجي من سمعها قال ياللهول

نديم القوافي هات قافك وابا اجاريك=حتى لو بيوتي يالسنافي حورنيه
ليا قلت قالت صبرك شوي انا اوريك=واوريك هذي لو تمعنت فنيه
تحريتها وافرك يدين الشقا تفريك=وعرفت انها ربة غرور وانانيه
ياما اطولك ياليلٍ قبل شهر انا ساريك=على وجهتي ما عدت والنيه النيه
يقولون عقلك لو على كيلو ايباريك=ترا بك رجا ما ادري على ويش مبنيه
وين العقل مني كلما حل لي طاريك=وتاقت لشوفك من عقب ياس عينيه
ليه اتبيع من هو راهنن قلبه وشاريك=اعماه الهوى وواصبحتي اغلا امانيه