اهلين حيا الله سجين الرواسي=ترحيبٍةٍ تسوقها فرحة العود
بتكوينها دهن الورد شي اساسي=وغشت بعنبر خام ومعتق العود
قد انطوى من كثر ماغاب ياسي=عامٍ مضى بايامه البيض والسود
وجا بالرجا لو مايجوز اندراسي=والحي مهما طوَّل غيابه ايعود
سجين لو سويت اشاعه لراسي=مايطري لبالك من افكار موجود
همٍ يصبحني وهمٍ ايماسي=وبين الظهر والعصر يوجد لهن رود
لكن هذاك اللي يطير انعاسي=واشتاق له لانسنست بالضحى النود
بضفيرة افكاري يصير التماسي=وتسارع الدقات بالقلب واتزود
برق وبرد وورود جوري وماسي=وسلة رهيف وهدب للخدر السود