‏‎هاك البيوت اللي توَتْ خاطري توّ = من هاجسٍ توّت تواتيه توّه
‏‎البرق شعلل وأجهر الجوّ بالضوّ = والرعد زمجر والسما طاح نوّه
‏‎والجوّ رايق رغم زِمجارة الجوّ = والثلج يتساقط برَد من علوّه
‏‎الطقس بارد ودنا نشعل الضوّ = كن الشتا والبرد قرّب دنوّه
‏‎والصيف في جوفي كما لاهب الشوّ = ما يبرده في خاطري غير هوّه
‏‎هو ، والضمير اللي يعوّد على هوّ = ياهو حمسني مثل مندي بهوّه
‏‎يا هوه لا تحمل هجوسي على سُوّ = القلب فاطر ما طرأ فيه سوّه
‏‎ولا تعشمني بْعشاكم على لوّ = لو.. ما تفيد العذر ، والعذر لوّه
‏‎خلاص هاك (آنا ) وما يعجبَك سوّ = وكتّف خيالي في حباله وطوّه