قالو بدر صار القمر قلت اشوفه=من ما بقلبي والا انا عارف البدر
تشبيهي لخده به اكبر حسوفه=انت الذي تشبه محياه يابدر
لو ان وجهك به ضيا ويش نوفه=مابه وجانن حمر ومدعجه خُدر
ولاتبتسم في مثل لوله وموفه=ولالك كماه انفاسس ازكى من العطر

ليا مني بغيت أصرف قصيدٍ من بطن صرَّاف=بدعت القاف وأتقنته ونقَّحته وقزيته
وهيَّضت الحمام اللي يسابقني على المشراف=يجر الصوت من رُوحِه سمعني يوم غنيته
وقمت أسمع لها فالجو من دون السحاب هتاف=وهيضني بسجعاته ولاحاني ولاحيته
ألا ياصاحبي ماتدري إني راميٍ هدَّاف=يجيب الورد من باقه وينثرها على بيته
اليا مني بغيت الرَّد أعْرِف موقع الأصداف=واليا مني رغبت الصمت أبد ماكني أوحيته
وناصر شاعرٍ غنَّى على كل البحور أصناف=وداج الرِّجِل مع درب الغرام وفي سباريته
يلوم الناس عن دربه وهو وسطه كما الحذَّاف=اليا قلنا تراك أنت الضحيه قال ياليته