لو بس طالعتي بعينك إنجازه=ماكان رحتي له علي الملازيم
مثل البعير الي تكود نحازه=ما يعانق البل صفرها والمجاهيم
مالك بشلة هالكراسيع عازه=سحب التويبع لا رشاشٍ ولاديم
ودك نجمعهم بداخل قزازه=ويدلدلون بغبة البحر في سيم

حزبٍ عريق ولا غويت امتيازه=يكفيه فخر الشيخ رمح الغنانيم
ولاكل حزبٍ له عضلات رازه=حدوك حتى وردكم صدرت حيم
رايي سليم ولا تروم ابتزازه=عن كل ما قررت ما ارجع وانا ريم
ياعود وش بك صايرٍ بك حزازه=دوج من الكوده برجلك الى ليم

مالوم قلبك يوم زاد اهتزازه=جزعان من ضرب الحرار الصواريم
حنَّا هبيل القلب نفتل حجازه=إن كان عقلك متزن فاصح يانيم
تبا تهور لين تصبح جنازه=مالك ومال النفخ يابرطم شريم
حزب الرعد ياما قطع من مفازه=يارد على الجزله كما تارد الهيم
وإن كان حزبك ضل دربه وهازه=يصبح ضحية في بطون اللواهيم
ياريم حزبك أعلى الأرقام حازه=على لسانك لايجي منهم الجيم
قولوا لناصر يحفظه في جهازه=مانقبل بقولٍ مزيف وترهيم

العود بالربٍ العظيم اعتنازه=اولسين يالناقد مولم لها جيم
لاتتعبون/الحبل صعب ارتكازه=مافي صحوكم داريٍ به وانا نيم
ادعيبكم ماهم جيبي غرازه=لاتحرقون اعصابكم ذاني امقيم
اخلاقكم يالربع فيها نشازه=وعقب انبساط صدوركم جت لهاليم
دافوركم يومين وايقل غازه=واتعودون لرمثكم يالشغاميم