ياحمد يالعاصفي وش سبب هذا السكوت=قل وانا اسمع منك علمٍ به اتكاد العدا
المدمر فاق من بعد ماقلنا يموت=والرعد به عرق ينبض بعد ذاق الردا
وريم فوت اتقدمه قِدم واترجع بفوت=نوب تبي السيل واحيان تطمح للهدا
ومهره وغزلان ماقصرن لوهن سكوت=مامشى مهر الربايع معاي ولا عدا
وشاعرة نجد العذيه مكملة البخوت=كل حزبٍ له لجالج ليا جات ايهدا
وابو عامر بين صرم العذوق وجني توت=له نصيح ويسمع الصوت ما لبى الندا
وابوبندر مبتلش بين شمسات البشوت=ياعسى سعيه موفق ولا يذهب سدا
وابو فيصل لابصوره ولابيِّن بصوت=مايشارك بالهجيني ولاسمع يحدا
وغايبٍ قرناسنا يوم وزعنا البلوت=وان شرينا صن قال الغبيوي لا بدا
مرحبا ياذات ساقٍ خلاخيله صموت=يوم هجسي لد لك في خطا والا قدا
اشهد انك بين هالغيد نادرت النعوت= ومن يحملني زريه عساهو لك فدا

ومن مـ .اهتدى نكويه في هامة الراس=ونحْجر على حزبه ونكتف يدينه
لين يْتعوّذ من قشر كل خناس=ويطاوع اسياده ويرفع يمينه
الا جزيلٍ يكتب الشعر بـ .احساس=قيفان شعره لابداها رزينه
تجلا من الخاطر هواجيس وعْماس=حرفه الى غناه يطرب رنينه
شروى الحضور اللي عسى مابهم باس= معنا ولكن شعرهم فاقدينه