ياحمد يالعاصفي وش سبب هذا السكوت=قل وانا اسمع منك علمٍ به اتكاد العدا
المدمر فاق من بعد ماقلنا يموت=والرعد به عرق ينبض بعد ذاق الردا
وريم فوت اتقدمه قِدم واترجع بفوت=نوب تبي السيل واحيان تطمح للهدا
ومهره وغزلان ماقصرن لوهن سكوت=مامشى مهر الربايع معاي ولا عدا
وشاعرة نجد العذيه مكملة البخوت=كل حزبٍ له لجالج ليا جات ايهدا
وابو عامر بين صرم العذوق وجني توت=له نصيح ويسمع الصوت ما لبى الندا
وابوبندر مبتلش بين شمسات البشوت=ياعسى سعيه موفق ولا يذهب سدا
وابو فيصل لابصوره ولابيِّن بصوت=مايشارك بالهجيني ولاسمع يحدا
وغايبٍ قرناسنا يوم وزعنا البلوت=وان شرينا صن قال الغبيوي لا بدا
مرحبا ياذات ساقٍ خلاخيله صموت=يوم هجسي لد لك في خطا والا قدا
اشهد انك بين هالغيد نادرت النعوت= ومن يحملني زريه عساهو لك فدا

رحت يـ .العاصفه وانتي نجومك تشوق=وعدت يـ .العاصفه وانتي بعد نايفه
فوق الاحزاب فن وشعر فااخر وذوق=يشهد الله عليّه والعرب شايفه
الزعيم يْتغنّى من تحدي وشوق=يستثير بْحروفٍ لاطرت كايفه
لين عدّاا بحزب العاصفه فوق فوق=ود الاحزاب تتحداا وهي خايفه

مرحبا ما تلامع بالمخايل بروق=وماصفق كف كف لكثر حسايفه
انتي لحزبنا عن من يعاديه طوق=دوك شلو المدمر حزبنا لايفه
ياعسى ما يجي هجسك ويمناك عوق=الرعد مخلي وبيبانه امسايفه
حزبنا ما يتيح لكل كسلان سوق=لذلك احزابهم من حزبنا عايفه