اوووف اوووف رد الله يعافيك ابا اشوف=وراك لي وقت ازهم ولا تردي
انا عليك اشفق وفي داخلي خوف=وبين الطفش والصبر قايم تحدي
قاف الغزل مجنون والهجس ملقوف=واجن والقف من هالاثنين يدي
ليا عن لي قامت تحوف القلم حوف=تجيب من مافات والا تودي

ابا اكتب وشكل الهجس مستاحش وخجلان=علامك هجوسي ؟؟قال مافيه احد غيري
هوامير ربعي كلٍ بتجرته بلشان=وانا العاطل اللي ينتظر داعمٍ خيري
انا الشاعر المجنون والعاشق الطفران=وانا اللي بمشيه دايما يعكس السيري
شعاره على فرعون تكتيك ياهامان؟ =مضير العرب ما يشبه لجبنة الكيري
طلاسم لو اني عن حلاها صبرت ازمان=بلا قصد لكن تحتسب فلم تصويري