اكبر خطيه للموادع مواعيد=والله ما اسير لموعدٍ به موادع
موعد وداع العام بي جايب العيد= بالحسره امسيت امتقهوي وقادع
اربع حروف اتقدد الكبد تقديد=سيفٍ شطير لثومة القلب صادع
موقف عصيب ازريت لا ابدي ولا اعيد=ما اعودها لي صار زاجر ورادع

اربع بيوت إالمبغَضٍ باربع حروف=كفلت فيها معتقل مانعرفه
وقررت فيها سجنة الشيخه ريوف=شيخه وحبوبه وقرمه وترفه
لومابها عن جملة احبابنا نوف=امر وصدر واتشوف للوضع صرفه
من الرومنسيه عشاها اربع صنوف=ورسلان ابهرها بعنبر وقرفه
هذا كلام اللي من الوجد ملهوف=من فقد من يهواه مانام طرفه

كان الجزع بدخول سجن الرواسي=العاصفه كم كرفست فيه من راس
وكم شيخ حزبٍ طاح فيه امتواسي=وعكر مزاجه حارس السجن وانحاس
نعثي بهم من دون شلفا وطاسي=بقيفان نجعل جزلها بين الاقواس
بيدينهن جا للسلاسل حساسي=وبيدينهم تسمع لها مثل الاجراس
دع ذا وجب لي ما يطير عماسي=وان جبت طاري لريش العين لاباس
الاغيد اللي مالزينه قياسي=اللي يذوب بجيدها عقد الالماس
اللي شربت الصِبر منها بكاسي=ومن مروي العطشان ما ذقت لو كاس