الهاجس اللي ماج راسي نهار امس=اقبل عليه الليل والليل دامس
ساعات اغنّي له وساعات ب الهمس=اخاف اسبب في سموعه تلامس
اقول هوّنها على الخاطر العمس=ويقول من قبلك ياكم راس عامس
ياما بنيت الحلم في مفرع الشمس=وأصبح عليه من الذواري طوامس
أحيان أقول الحلم في راحة الخمس=وأحيان لاوالله على يدين حامس
وأحيان ادوّر له ولا عاد له رمس=وأحيان اشوفه والعواذل تهامس
ياليت يقربني على حروة اللمس=والا يوادعني وداع المخامس