يامحمد الفراج انا ليه مغشوش=محال انا في رادة الرب اغشي
لكن هجسي بعض الاحيان مربوش=والفكر من كثر العلوم امتحشي
وليا طرا بالبال ابوكف منقوش=بالثلج من ذكره عرقتي تبشي
افز كن السبت بالناب منهوش=ولما بدي من شغل لو مر اطشي
باشقر اممكرةٍ خصاله ومنفوش=لو مر ابو فيصل ماهوب امتغشي
ليكب ظلم وينزل بديرة بلوش=ويقول هجران البلاد امتفشي
وباطراف اباهيمه ينوش العشا موش=ومن قال له وش فيك قال امتعشي

انا اطرب لتلك التماثيل واشوش=وبعض البيوت اتمر واقول مشي
يفدون ابن فراج الانذال ودفوش=بين اللحا والعود هجسه يخشي
تذللت لك ذل صدام من بوش=حلوٍ طعمها للذوايق يدشي
ان كان قلبك من هوى زيد منهوش=وفوق الكبد ميسم غرامه يوشي
والحال من فرقا اريش العين معروش=فانا منه حتى العظم مستهشي
وبين البكا والضحك عقبه حصل هوش=بعرض البكا لااقفى التبسم يحشي