حي هالصوت انا ماشي ولكن بريض=ودي اسمعك في همسك يحل الرضا
كم كتبنا على بيض الورق من قريض=لجل بيض الخدود اللي سناها وضا
إيه هاللي تشوفه فيض من ضغط غيض=اجل من روحتك وش كنت فيِّ اتحضا

ياهجوسي دندني والجو صافي=لايصيبك ف الزمن ريبه وشكّه ..

العبي من طنختك والثوب ضافي=يوم جاء المرسول قدمي ثم فكّه

جايبه قرمً مع العالم سنافي=الجليدي باب طيبه مايصكّه

من محمد جاني المكتوب وافي=جعل صدره ماتجيه اليوم تكّه

يطلب بسجني وانا عندي عوافي=لو سجنه للمشاعر فيه ضكّه

مير ابرمي ماحصل قدمي خلافي=لو ضلوعي فوقها هم بلكّه

واعترف له ب الامر لو كان خافي=من ضميرً نوب خماته تفكّه

والسلام اعداد من كبر وطافي=لجل دينه زار طيبه بعد مكّه