مرحبابك يازعيم المدمر مرتين=مرةٍ من كل قلبي ومره من وراه
والعداوه للتنافس تراها شي زين=ترفع الرجل لعلو المراتب وتحداه
وحزب ابن فراج والا حزب موض الجبين=من يغطي ناعم شعورهن بيض الجباه
وش بقى ينقال للي تسموا مجرمين=وريسه عود عقب ثقل عقله في صباه
ايتلذع بينهن من يسار ومن يمين=كنه يدور على شي مفقود ويباه
كيدهم ياصاحبي كيد شيطان ووهين=والدعاوي هينه رد سيفك في خباه
كل مجرم له عبينا شبا حدٍ سنين=وجن نوري بالتعاويذ موجودٍ دواه
حط وابا احط للزمره القشرا كمين=ومن يجيب بهاه من هالربع قل له هواه