هلا مرحبا غزلان ماعج ريح العشب=مع ذعذاع نسمه مرت فياض ممطوره
ريح الاذخر اللي منبته في شغايا كشب=وريح الخزاما اللي زهرها عدا طوره
انا اذكر بريحه ريح من لبس ثوبٍ قشب=حسين الدلال اللي له الروح ماسوره
له القاف اجره لين ياصل شفاي ونِشبْ=عن وصف الحمامه ما يجي واضح الصوره

ياقلب هو انت في حبك لهم صامل=والا تعاملك معهم نوع تلهوه
والا عليك الامد قد طال واتجامل=حتى ما بينه وبينك كبرت الهوه
جوابك لما سالتك لا يجي شامل=فصل لي القول ياجعلك على القوه
قال اسال الرمد وانشد فكرك الهامل=وشف خاطرك عقبهم وش صار في جوه
وشف جسمك /اللي جفاهم صار له سامل=ومنظرك عقب الاناقه شين ومشوه
نقضت وسط السويدا جرحي الدامل=وبراق شوقي شعق يوم استوى نوه
لمشاعرك خل هجسك يشتغل عامل=وقل له ما يملي عليك القلب له سوه

الا يالذيابي ماذكرت المدير العام=اسبوع وقفاه اسبوع ما شيف له طله
ليا قفل المكتب تلوى عليه الزام=وليا فك زامه مكتبه عود وتله
انا مثل شغله ما هقيت انشغل صدام=وهو يفتل بكيده والايام تفتله