السلام عليكم ورحمة الله

مساكم الله بالخير
وصحت السنتكم وداامت جمعتكم ولاهنتوا على هـ الرواائع الممتعه
وتسلم يـ الهواوي وماتفقد غالي

واعتذر عـ الغياب الـ غير ارادي,متابعه لـ كل مشاركاتكم رغم عدم التواجد
تقديري للجميع,’’

ماغبت عن سجن الرواسي ولايوم=لو عن حضوري بعض اموري حدتني
مْتابعه شعرٍ بـ .الابدااع مختوم=قريت كل اشعاركم وامتعتني
في شاشة الجوال مع حزة النوم=مريت صفحات السجن واطربتني
أبيات شاعرها مخضرم ومحشوم=انشهد انْها وخالقي هيضتني
بعض الشعر من فااخر اللول منضوم=تْهيضني حروفه ولو ماعنتني
سريت معها والسماا كله غْيوم=وكلٍ على ليلاه لكن شعتني
من صادق المفهوم والقصد مكتوم=لامتّعت غيري ولامتعتني
عبر الهواا رااحت كذا بس مقسوم=مع ساري الهاجوس جاته وجتني
فيها الغلا والوجد والود مرسوم=ياطول صبري والظروف ظْلمتني