خفير السجن جب حاشي نعشي المسجون=وشب الشليخ وحمسة البن بريه
ما ابي يلحقه من يمنا شكةٍ وظنون=كرمنا عتيبي والقرارات فوريه
قبل ما يعقلون الركاب العشا مضمون=وتراحيبهم ما هي تراحيب صوريه
هجوسي!!دع مهايطك جب سيرة المضنون=طرا لي بعد ناحت على الغصن قمريه
حسيبي على شيطانها بيحت مكنون=ماتنلام للتعبير معطاه حريه
دعواها بسيطه لاذ عنها خلاف غصون=يجيها الضحى واتزاوره كل عصريه
ماحظ الحمامه يشبه لحظي المجنون=دون اللي يبي لاماه لفه اجباريه

وللي بعث طه ومعه افضل كتاب=وهيمن على نهج البشر وكتابهم
حذفي بعيد بعيد ماوصل الركاب=يزم ما يطيح حول ركابهم
واصك باب وينفتح عشرين باب=لكن رياحي ما تقرقع بابهم

تماتهت عنه ايلين لي قيل فات الفوت=ويقولون وفر صوتك ان فاتك الفايت
وانا اقول ماقلتوه شر وبشاير موت=ما يبرد حروره رشه بتانكي وايت
لكن ودي اكبح واكبت العاذل الشموت=قبل يفرح بما صار لي منه ويهايت