انا البارحه جوي صفا وانقلب لـ . افراح=وجتني السعاده وانبرا حالي المضيوم
واردد واغني بالشعر وانسب لسداح=وانا فالطريق لقاعة الاندلس معزوم
وهم تعلقته من سنين عني زاح=وصار العتيبي واحد من عيال القوم
وانا داخل الباب الشمالي بعده جناح=عليها الحرس والجيش والبندق المختوم
وكل تعلق له ذخره ومعها سلاح=واشوف المقدر حق وامر الولي محسوم
وسألنا وقالو يالخبل رح ورا من راح=وحذرا تلفت واقتنع لا حصل مقسوم
وهذا الجناح اللي تعانق به الارواح=بعد ماطواها البعد واتناوشتها هموم
تجيه العروسه لاتغدت لجل ترتاح=ويدخل لها المعرس وراه المباخر كوم
وقلت اصبرو لحظه ترو القلب فيه جراح=ودايم يخق انشاف لو كهلة مبروم
وانا شم ريح العطر من يمكم فواح=وعسا مايكون العطر مع صاحبي المضلوم

تبارت هواجيسي مثل سابقات الخيل=نهار التقا الجمعان في معركة عروى
وقمت انظم الابيات واطلب قوي الحيل=يجمل معانيها على الدين والتقوى
ولو ضاقت الدنيا وحسيت فيها الميل= ابصبر ولا بشكي من الضق البلوى
وانا من رجال توفي المد عند الكيل=ولا تبخص المكيال واطيورها شلوى
تسابق مباخرها ويقفى البخور الهيل=وحيل بوسط الصحن واريوقها حلوى
سماهم نفضه البرق والرعد عقبه سيل=تسابق مزون الغيث وارعودها تدوى

خفيرنا بالسجن مساك بالخير=سولف معي مادام ما احدٍ يبيني
سجينكم عانه يطرد عصافير=يبي مرقة قهود لجل العجيني
وانا هنا متنح على قول الامير=واشيل قيفاني بطرقٍ هجيني
متوجسٍ ما ادري وش اللي لي ايصير=علمٍ لفاني رف له جفن عيني
نجامل من اول بسوق المعاذير=ولا ودنا للشامت امره يبيني
واليوم مردود الغلا صايرٍ غير=هدم بكلمه ما بنى في سنيني
ان كان ماصخر على العلم تصخير=الله على مستقبل امري يعيني