سجين وابياته ثلاثية ابعاد=عزالله ان القاف ماهوب عادي
عبَّر عن اللي يسعر القلب واجاد=وانا مالومه لو لخله ينادي

ياسعود جرح الغالي اللي شكيته=اللي لعينك صار سبة سهرها
لو ان حبك له حقيقي قويته=وصبرت لسهوم الرموش وعورها
هذا الهوى ياسعود ينهد بيته=يدوي على صم القلوب وكسرها
راع الهوى ياسعود دايم نهيته=نفسه لهيب اشواق قلبه دمرها
من يسمعه ظن امه اليوم ميته=من شين وجهه كن توه قبرها
ياسعود انا لي صاحبٍ ما نسيته=عيني عقب فرقاه زايد قشرها
من بد مافوق البسيطه هويته=سلط على كل المشاعر واسرها
ياسعود ياما قلت كيته وكيته=وبحر الشعر من غبته له دررها

ذكرتني غرٍ اعذابٍ مباهيش=يالمبتسم بالناصعات العذابا
لكن مثل هذاك يالحلو مافيش=بالابتسام ليا بدا منه نابا
يفتر فيِّ القاع وادوخ واطيش=كن العسل بين الشفايا يذابا