عيني معاد تلد في الشي القديم=دايم على الشي الجديد موايقه
والله هو اللي بس في حالي عليم=سبحانه العالم ماهو خلايقه
والسارق المزاح جعل امه عقيم=شلع قليبي صدق من علايقه
انا اشهد انه ياعرب ورعٍ غشيم=خلى الفيافي في عيوني ضايقه
دام استباح الدمع من عين اليتيم=ماء دم شريان اليتيم بعايقه
والله لو انك شفت عينه ياحكيم=لتعرف وش معنى العيون البايقه
مع صغر سنه ماهقيته مستقيم=يموت في ذبح النفوس الرايقه
ليا وقف ماكنه ألا عنق ريم=وليا مشى كن النعال تضايقه
امسيت لاجسمي ولاعقلي سليم=لانايمه عيني ولاهي فايقه
كسر ضلوعي مثل تكسير الهشيم=وايقنت في حبه وفي حقايقه