قدرك من غلاك ارتفع

30-10-2014, 05:13 PM

السلام عليكم
الحقيقة أنا أقدّر الشعر اللي
يصحيني من النوم وأكيد إسمه
هاتف السحر ( لأنه يجي بدون
رتوش ولا تزلـّف / مصافحتي
هذا المساء لشموخكم الراقي ...!!!
قدرك من غلاك ارتفع

يا هوى البال قدرك من غلاك ارتفع
والمحبة ، رمتني ،، في مغبة هواك

تاه مركب غرامي وسط بحرك طبع
فوق موج المحبة ،، مبعد ٍ عن مداك

أصفق الكف ، وأدق الصدر وأبتدع
من جزيل المعاني في محاسن بهاك

فك قيد الأسير ،، اللي بحبك ،، وقع
منوته شوفتك ، ولا حصل له ، لقاك

كان قلبك ، لشوفي ، ياغناتي جزع
فأنا قلبي ، لشوفك ، ذاب جعلي فداك

إ رحم ،، اللي ذبحته يالغلا ،، بالدلع
واقف ٍ له بباب البيت مرخي غطاك

أذهل الفكر،، ورد ٍ فوق خدك ، ينع
وصافي الشهد نزفه نازل ٍ من شفاك

كلما أحد ٍ جهر بإ سمك نظيري دمع
ما أتحمّل ، كلام العاذل ، اللي شناك

بعد ما طير شوقي عند طيرك سجع
مرّ طير ٍغريب ٍ واحرمه من غناك

يوم جرحي تشافا ،، في مكانه طلع
عدة جروح من جورك وزايد شقاك

لاعج أشواقي أتلف للحشاء وإنتزع
مضغة ٍ وسط جوفي ذابلة من جفاك

وعـن أديم الصدر دم الوريد انقطع
مات زرع المشاعر عقب ماشحّ ماك

شوف حالي من الفرقاء براها الوجع
والمدامع بعيني ، ما جزت عـن بكاك

كل ما قلت شفيّ ، من وصالك ، قنع
قال قلبي وش اللي عن مرامك دهاك

وعقب ما شمع حبك في حياتي ولع
إنطفى .! يوم نقالّ الهروج ، إقتفاك

آآآآآه ، وآقلبي اللي إندهى ، وإنمزع
دكّه الشوق وأصبح مشرف ٍ بالهلاك

كان ها لحـب ، والتقدير لك ما شفع
عند من كل همّه ، في حياته رضاك

فكل حب ٍ عفيف ِ ، في البشر إجتمع
لو يجيبون ، كثره ، مايساوي غلاك

من موارد وفاي ، وجم ّ شوقي ، نبع
حب من قلب صادق الله اللي عطاك

رابط الحماية

تحيتي وتقديري
محمد بن عمار

[/b]

[/color][/size][/font]

30-10-2014, 05:39 PM

صح الله لسانك ياجريح القصيد
كما تعودنا من شاعرنا الابداع والامتاع والجزاله
لاحرمنا المولى جمال حضورك المميز وفيض مشاعرك العذبه
تقديري لسموك
النجلاء

30-10-2014, 06:59 PM

صح لسانك شاعرنا
قصيده جزله ولاهي مستغربه من ابن عمار
دمت بود وتقدير

30-10-2014, 11:51 PM

محمد بن عمار
تعجز الحروف عن الرقص فوق ركع لوحة المفاتيح
لتتكلم عنك ﻻن صنفونية احرفك ليست كل اﻻجناس تجيد الرقص عليها ﻻنها صادقة في انغمها ما يجعلني بدوري افشل في التعبير عنها وساترك المجال للغير ﻻكتشافيها
احترامي

31-10-2014, 01:34 AM

صح لسانك لين ترضاء يبن عمار
جزل وشهادتي فيك مجروحة ,’, لك جل الشكر والعرفان بوجودك الراقي

31-10-2014, 01:36 AM

صح لسانك شاعرنا…
قصيده جزله ولاهي مستغربه...
دمت بود وتقدير..

31-10-2014, 02:42 AM

ياعيني عليييييييييك .... مبدع كعادتك يابن عمار
وااااصل فنحن من متابعينك ... دمت باحترام

31-10-2014, 05:40 PM

صح لسانك شاعرنا
قلم مميز يروق لي المكوث بين طيات صفحاتك الراقيه
دمت بخير وسعاده دائمه