ما امدى تعيدنا تعوذ من ابليس=ما انت بخلا تراك باكبر مدينه
بالعاصمه ياللي شعتك النسانيس=ياما بها من ترف يبهرك زينه
نجل العيون المترفات الاماليس=شقرٍ يميلن العقول الرزينه
جحادر وغلبا وحضر وسناعيس=ومطران وعتيبه ومن حرب عينه
للحب برموش الغواني مقابيس=وللشوق بين العين والخد مينه
يحطمن بالزين كل المقاييس=واللي خضر قلبه عسى الله يعينه
ومبداك رجع ذكرياتٍ مراميس=ارجف لهن القلب واسمع حنينه
حنين سكس وعرضوه الطعاميس=وفضح ثقيل الترس صوت المكينه
وتناهشت منه المعنى الهواجيس=وتنقضت منها الجروح الدفينه
وترسل له الذكرى الطواري كراديس=تهد حصن الصبر فيه وتهينه