باسم الله ياهجوسي في رواسي نجد خط القاف =عسى قافك ليا قلناه تطرب له ذوايقهم
تركد لاتعجل كل من بالمنتدا عراف=تأدب يا غريب ايلين تستوعب طرايقهم
ابي سن اليراع ان صار له بالطرس منك ارعاف=تعجب صفحةٍ فيها كتب من كثر وايقهم
وتراشكرك لمن رحب بك ونادا من الانصاف=جزا الله بالرضا قومٍ وسيعاتٍ بنايقهم
ليا حان لزهور الورد في فصل الربيع اقطاف=من اطواق الورود النادره ياهجس طوقهم
وانا ادريبك لطاروق الغزل من خلقتك ميلاف=لكن خل القلوب الخضر تهدا لا تشوقهم
يجي لك كل ما رفرف بنوٍ بارقه رفراف=لكن شوف العرب بيدينهم تومي مطارقهم