هذي ملامح ناس غابوآ عن الروح=وهذي ملامح حالتي وأنعزالي
وهذي عيونٍ فوقها الدمع مسفوح=وهذي قضيّه ماتقبّل جدالي
وهذي صدور الناس عيّت عن البوح=وهذي قصيده ثابته في خيالي
وهذي جروح من الزمن جالها فوح=وهذي دفاتر مالها راس مالي
وهذي حمامة عشق عاشت على النوح=وهذي طيورٍ روّحت للعلالي
وهذي سوالف ناس ذابح ومذبوح=وهذي سيوف الذل بأول وتالي
وهذي قلوبٍ ضيمها سبّب جروح=وهذي جوابات الزمن للسؤالي
وهذي حكاية جد مع ضحك ومزوح=وهذي ولا ادري بعدها وش جرالي
وهذي حلوم الليل تارد على الروح=وهذي سبايب وحدتي وانعزالي

احذف الضيق يالصدر الكتوم=وعاند الهم لو تقدر عليه
خل عندك للأمل قوّة عزوم=واطلب الله فرجته يمكن تجيه
ليت لي حيله على رد السموم=كان ماغنيّت قافٍ مهتويه
كل ماشفت ضيقي قمت اشوم=وادري ان القلب دايم محتسيه
صرت اشوف ان الوطى فوق الغيوم=وأن صدري لادعاء همّه يجيه
مالي بدربٍ حوى كثر العلوم=وأن مشيت بطرقته ضيّعت فيه
وأن بغيت ارضى على شان السلوم=حدني دونه قشر بعض الوجيه
والله أن أشدّ من طعن السهوم=هرجة الاصحاب في ظهر النزيه

يطول البعد وتطول المسافه=ويطول الليل ياليل المعنّى
الا ياصدر مافيها كلافه=بشيل احلى بيوتي وآتغنّى
صدمنا واقع الوقت بصلافه=وتغرّبّنا وحنى في وطنّا
ياكم شخصٍ ربيع الوقت طافه=تغربل في لياليه وتعّنى
عجاج الوقت والملهاب لافه=وعضيده مات بيدينه وجنّى
دموعه فوق خدّه يوم شافه=يزيد الصوت ويصيح ويونّى
ولا له حيلةٍ والموت آفه=يبي يصبر على واقع زمنّا
فراشه هم والضيقه لحافه=يحدّه واقعه منّآ ومنّا
عيونه تنظّر سيوف ٍخلافه=تخّوّف ولا ظن أيتوّنّى
قضا عمره على ليت وحسافه=ويدعي في حياته ويتمنّى
والا يالله يالمعبود كافه=صدوف الوقت وتعين المعنّى !

خلني تكفى وفي حالي تجمّل=واكسب العلم الجميل وخل حالي
انت تجرحني وتدري ماتحمّل=وكل جرحٍ منك يالخاين وفا لي
وانت ماقصّرت يالكف المجمّل=مدّتك ماتطري الا ف الخيالي
ماوليت وبس وقّف لاتكمّل=ماولانا غير رب الكون والي

كل جرحٍ من جروح القلب غاير=والسبايب كلها حال الفراق !
انت جاير والزمان اقشر وجاير=وجوّه المظلم كئيب ولا يطاق !
ليه ؟ لاتسأل مادام البال حاير=ب الزمان اللي مضى كلّه عناق !

ساعةٍ فيها ذكرته وهو غايب=جعل مايبقى لها عندي بواقي
صرت اجر الصوت ب الونه غصايب=واكتم جروحي على حزّة تلاقي
من عرفته ماخبرت بيوم جايب=غير بغيابه ولاادري ويش لاقي
ان حكيت وجيت بسلوم الحبايب=صد عني وانزعج مني وضاقي
مازرعت الا بهاذيل وناشيب=ولا جيت الا سهر عيني وساقي
ذعذعي من كل وجهه يالهبايب=لين يبرى الجاش واحرر وثاقي
من نشدني قلت يالمحبوب تايب=آتعذّر للبشر والا انت باقي