ياهل الهوى وش هو دواء دمعة العين=خمسة عشر ليله وهي فوق خدي
خمسة عشر ليلة وانا خاطري شين=واللي ذبحني كرت دعوه بيدي
مكتوب وسطه عرسنا يوم الاثنين=والله يحيكم على سلم جدي
في قصر ذكرى ليلة أربع وعشرين=زفو وليفى والهواء صار ضدي
وصحت أنا صحية يتيم ٍ من الدين=خلوه ربعه بين جزر ٍ ومدي
أبوه ميت وأبتلش فالملايين=وقرر يبيع البيت شاف التعدي
ناس ٍ حقيره تطلب القرب بالفين=وضاقتبه الديناء ولاله مشدي
وأخر مطافه في شهار المجانين=وأمه بكت حاله وانا باح سدي
يازين روح جعل حظك معه زين=لاكن مالك في حياتي مردي
مع السلامه والوفاء جرح سكين=مع السلامه غصب ماهو بودي
ياهل الهوى وش هو دواء دمعة العين=خمسة عشر ليله وهي فوق خدي