ياهجوس الشعر

يا هجوس الشعر جودي بالمعاني=هاتي المازون بالك والمقرّد
المعاني كنهن الكهرماني=لختلط باللولو والا بالزمرّد
لا طلبت القاف ماهو بيعصاني =وان عصاني واقف له بالمجرّد
ياوجودي كل ما قفى زماني=وجد شيخٍ عن بياض الوجه مرّد
سبت اللي بالهوى وده شعاني=شعي ذود العود والراعي مشرّد
الجسم كنه عويد الخيزراني=والنهود اصغار والخدين ورّد
لا نطحني شاقني صف الثماني=مثل عقد الماس عن غيره تفرّد
قمت اجازب بالغنى منهو كواني =من ضلام الليل لين الطير غرّد
قلت اذنه يبري الخفاق داني=مار قلبي يا سعد عني تمرّد
نوج يوردني على عدّ الطماني= ونوج يوردني على قيعان جرّد
ابتليته بالمحبه وبتلاني=ما يشاديها يكود اخشيف شرّد
ليتني ما جيت يمّ الزين عاني=احسبن الوضع يأتيني مبرّد
حلها يا صاحبي دامك حصاني=انتتنا ياسعد مطلوبي الرّد

محمد المورقي
حييت على هالنادره والرائعه
واللتي يجوز فيها مالايجوز لغير محمد المورقي
روعه وجزاله غير مستغربه
صح كلك
ودام بوجك بكل خير ومعزه

صح لسانك محمد المورقي على هالرائعه الجزله<----اخذتها من محمد القسامي
بس جد حاجه حلوه وانا من المتابعين لروائعك لو ماافهم بعضهن بس اهم شي يعجبني وافهمها من ردود الشعار عليك
تقبل مروري

هلا يالبناخي


طالعن لخالك هههههههه <<<على شانهم مدحوك

صح لسااانك يابو عبد الرحمن عدد شعر راسك تحياتي

السلام عليكم ورحمة الله وبركاته

محمد المورقي

نجم مبدع الله يعطيك العافيه

صــــــــــــــــــح لسااااااااااااانك

على هذه الرائعه

تحياتي

أخوي محمد المورقي


صح لسانك واعتلا شانك

رايعه بروعة حضورك

تقبل احترامي وتقديري

عجزت أقتبس بعض أبياتها
وقد أتت جميعها
رائعة ... وقويَّة ... ومؤثرة
قصيدة بحق جميلة ... وجميلة جداً
محمد
لله دركـ ... أبدعت بهذا القصيد
صح لسانكـ أخي ولاهنت ...
ودمتَ ودام قلمكـ بإبداعٍ لاينتهي ....
دمت بعز...لاخلا ولاعدم

صح لسانك وأعتلا شأنك

قصيدة جزله من رأس جزل