ياالله دخيلك/صوت علي الزهيري/صدى عبدالكريم بن خزيم

السلام عليكم ورحمة الله وبركاته

تحيه للجميع وكل عام وانتم بخير

اقدم بين يديكم صوت ... وصدى بيني وبين الشاعر الكبير/عبدالكريم بن خزيم امل ان تنال اعجابكم ودمتم بخير

اليوم مثل البارحـه والبارحـه والله وكيـل
..................ان جبتها منا تجي منـا ولا ذقـت المنـام

ومسويا روحي بطل بحزام واسن الصقيـل
..................ومعصبٍ راسي واصيح افزع عليه بالهمـام

ياالله دخيلك مالقيت اللـي يـرد ولاّ يكيـل
..................اللي لها باللي معه واللـي تعـذر بالكـلام

وقمت اتفحص فالوجيه اربني القـا دخيـل
..................يمكن هذا .. ولاهذا .. ولاهذا .. يجلا الملام

ولقيتها متشابهه سعـد شبـه عبدالجليـل
..................اجسادها . واللوانها . وافعالها . طبق التمام

كشفت لي ياوقت زيف الاقنعه شكراً جزيـل
..................العاريه ماعـاد يسترهـا لحـاف ولا لثـام

اشتدت وضاقت وفُرجها لي الـرب الجليـل
..................وهذي مجرد سالفة حلم اسمعوها والسـلام

رد الشاعر/عبدالكريم بن خزيم

يامرحبا يامرحبا بالقاف والحبـك الجزيـل
................من شاعر ٍلامن حضرساق المعانـي بالتمـام

هذا علي شاعروفي وأبيات ساقه سلسبيـل
................حروف ساقه من ذهب وأنا أعتبرها كالوسام

واجد ترى في هالزمن ياصاحبي ناس ٍ تميـل
................والمعضله في وقتنا قد شيخوا حتـى النعـام

من كان يملك يارجل يشيخ لو إنـه بخيـل
................والمال والله للأسـف رز الرديـه والخمـام

جبها كذا تاتي كذا وجبها كذا لازم تميـل
................لكن على الله ربنا يوم الحشر محيي العظـام

إنه يعدّل وقتنا فرد ٍ صمد منـج الخليـل
................ونشوف ناس ٍ وافيه فعل فعل ماهو كـلام

ويزين وقتك يافتى وتعيش في ظل ٍ ظليـل
................ولا عاد تذكر للكدر هذي حروفي والسلام

:

:

رووعه..
ماشاء الله عليكم..
وصحت ألسنتكم..

:

:

الشاعر القدير

شكرا للزلال الذي انسكب هتانا يروي عطش الظمأى

شكرا للعبير المنثور على متصفحك الراقي

صح السانك والسان الشاعر .. عبدالكريم بن خزيم

ولا هنتوا

تقديري واحترامي وتحيتي

::
صحت الألسن ..
لاهنتو
كل الشكر
::

علي الزهيري

صح لسانك ولسان عبدالكريم

قصيد جزل الله لا يهينكم

تقبل مرورررري وحترررررامي

صوت وصدى

ولا اروع وصحة السنتكم ياجزلين


مروري وكل الاعجاب

ماشالله ع أبياتك قليل في حقهــــــا
كلمة رائعــــــــه..
أدام الله قلمكـ ..
وصح لسانكـ ولسان صاحبـكـ..
لك تحياتي..

صحت ألسنتكم على هالجمآل
وسلمت يُمنآكم ...

إحترآمي