مستشفى الجامعه

شفتها يا نـــواف صدفة بعد ما غابت سنين
عند قسم المختبـر وسط مشفى الجامعة

جيتها ثم قلت ممكن في سؤالي تسمحين
ناظــرت فينـي بدهــشة نظره متواضعة

قــــالت انته تـحسبني مــن بنات صايعين
تـحسبني في زماني عن طريقي ضايعة

قلت أنا ما راح أطول كـل أبوها كلمتين
وأبعــــدت عني شويه ثم جتنـي راجعـه

قـالت أسال واضح انك من رجال طيبيـن
بس هرجك يالسنـافي كان بشهوة دافعـه

قلـــت أنا حبيت وحده يوم كنا صغيـرين
ومن ثمان أسنيـن راحت للمواصــل قاطعـه

عقبهـا مــا ذقت نـوم يهتني به النايمين
ســاهر في طول ليلي لين شـمسي طالعـه

اذكر انه فيه حبه فـوق ثغـره مـن يميـن
واذكـر انه لا جــرينا كـــــان شعـره تابعـه

واذكر انـه عـــاشـق فالــورد الياسميـن
صـــــار قلبي بالورود اللي عشقهـا زارعـه

طابعا اسمه بقلبي فيه سين وفيه عــين
وفيه ألـــف وفيه دال وســط قلبـي طابعـه

قاطعتنـي بقولها سبحـان رب العالميـن
كـــررتـها مــــــره ومــــــــــرتيـن ورابعـه

قلـت وشفــيك وشبـلاك يابنيه ترجفـيـن
ليش عينك يابنيه مـــــن كـــــلامـي دامعة

قــالت الموقف وقلبي والمـحبة والحنين
كــيف أشـوفك بعد مــــا كنت عنك قانعة

قلت أنا بسالك أن كأنك أنتي تذكرين
عــن مواثيـق ثـمنها مــــن حــياتـي دافعـه

قالت ظروف الزمان ما تطيع العاشقيـن
بيعونـي غـصب حـــبك لو هو ماني بايعـه

أنا في دنياي حالي كنها حال السجين
حتى لــــو فكـــوا سراحه فيه شي مانعـه

زوجوني غصب واحد وحرموني حاجتين
السعــــادة فـي زمانـي والحيـــاة الرائعة

والحين أنا أم لثلاثة عندي ريم وياسمين
والولد ا سمه على اسمك والمشاعـر جايعـه



اتمنى تعجبكم

سعاااااااااااااد وحلى قصيدة في سعاد صح لسانك وطاب نقلك يالاميرة وصح لسان من قالهاا

محمد الروقي

شرفا اتوج به لكوني مررت بين عبير احرفك ,,

امام روعة كلماتك تسقط الكلمات خجلاً

دامت أحرفك للابداع ياالغلا

كلمات رائعه

يعطيك الف عافيه

سلــــم نبضكــ غلاتي
::
صح لسانكــ ولسان شاعرها

صــــــــ لسانك وسلمت يداااك ــــــــــــــح

رايعه بروعة حضورك الرايع

وارجوا ذكر منقول في ما بعد