الهنوف اللي على شوفها ناوي

نبدا بهذه العاطفية لعلها ترضي طموحكم

ياوجودي وجد من طاوله شره = كل يوم محـولينه على مداوي
كل ماجابوله علاج ماسـره = يختلف وضعه يلاقيل متشاوي
اخر دروبه على ذعار والحـره = جرته سارح على جرته ضاوي
ماعطاه الا من الصبر والمـره = والكوايا الحاميه ذيبها عاوي
سبة اللي كل ماجيــت بامـره =اعترض لي دونها واحدٍ غـاوي
يتبع الغرات ويقصص الجره =ويتلوا دونـها جعله اللاوي
ياعلي باشكيلك الوجد والحـره =كان عندك حيلةٍ تشبع الطــاوي
انبلشنا وانت شرواك ماغـره = الهنوف اللي على شوفـها ناوي
درةٍ مابعـدها ياعلـي دره =اشهد انها تجرح القلب وتــداوي
كل ماتأقف على البـاب مفتره =ياعذابي لا طرق عودها الراوي
وان تحاكت تنزع القلب وتجره = والله اني طحت ياخوك متسـاوي

وسلامتكم
اخوكم / بوبدر


التوقيع

سلام للمنتدى واللي يرودونه = واخص بالذات من يقرأ مواضيعي
بالمسك والعود والريحان مقرونه =من حبكة انشائ والتوقيع توقيعي

ابو بدر

مرحبا عداد المطر

حضرت وحضر الشعر الجزل

صح السانك ودام ابداعك

صح لسانك مدد بلا عدد
بيض الله وجهك بو بدر قصيده جزله

دمت بخير

:
:

ألف حياك

غزليه جميله رايقه
وبدايه موفقه تعدنا بجميل آت

صح لسانك
تقديري

:
:

يآمرحبآبك مليووون يآبو بدر ...




توآجدك وبلآ شك تشريف لنآ ولروآسي ..




صح لسآنك مدد بلآ عدد ...



عآطفيه فآقت آلوصف .. لله درّك ..




تقبل مروري مع آجمل شعوري ..



:

يامرحبا تراحيب المطر

ايه يارجال هذا الي ندور عليه لهجة نبطيه بحته
اسعدني مروري ولو انه متاخر بس اقول صح لسانك لين ترضى ونت لا ترضى
خلني ارددهااا لعوينك عساني ما اسمع بيومك

ارفع لك عقالي يابو بدر

شجن مختلف ممتزج

با احســاس عذب يصل للقلب

حروفي متواضعه امام روعتكـ

احترامي وتقديري

ابو بدر

صح لسانك واعتلى شانك

وحياك الله بين اخوانك


قصيده جزله وشاعر جزل
تقبل مروري